رەسەي پرەزيدەنتى ۆلاديمير پۋتين مەن بەلارۋس پرەزيدەنتى الەكساندر لۋكاشەنكو بۇگىن سانكت-پەتەربۋرگتە كەزدەسەدى، دەپ حابارلايدى ازاتتىق. سوڭعى ۋاقىتتا ەكى ەل اراسىندا گاز تاسىمالداۋ مەن ينتەگراسيا ماسەلەلەرىنە قاتىستى جاعداي شيەلەنىسە باستاعان. سوڭعى ايلاردا لۋكاشەنكو رەسەيدى بىرنەشە رەت اشۋمەن سىناعان.
9 ناۋرىزدا گاز باعاسىنا قاتىستى داۋدىڭ جاڭا ۇشتىعى شىعا باستاعان سوڭ لۋكاشەنكو ءوز ەلىن «ەشكىم تىزەرلەتە المايتىنىن» مالىمدەگەن. بۇدان ءبىر اي بۇرىن ول رەسەيدى كەلىسىمدى بۇزىپ، كومىرسۋتەگى ەنەرگياسىنىڭ ماڭىزدى تاسىمالداۋشىسى رەتىندەگى ءرولىن "القىمنان الۋ قۇرالى" رەتىندە پايدالاندى دەپ ايىپتاعان.
مينسكىنىڭ مالىمدەۋىنشە، ماسكەۋ 2015 جىلدىڭ قاڭتارىندا ەۋرازيا ەكونوميكالىق وداعى (ەاەو) قۇرىلعاننان بەرى بەلارۋسكە ساتاتىن گازىنىڭ باعاسىن ەكى ەسەگە قىمباتتاتقان. لۋكاشەنكو ءتىپتى مينسكىنىڭ بەلارۋستى ناتو-مەن تەرريتورياسىنداعى بۋفەرلىك ايماق دەپ سانايتىن رەسەيمەن جاقىن قارىم-قاتىناستان باس تارتا الاتىنىن اشىق بىلدىرگەن.
