بۇگىنگى تاڭدا ەل اراسىندا قىزۋ تالقىعا ءتۇسىپ جاتقان ماسەلەلەردىڭ ءبىرى – قازاقتىڭ قاراگوز قىزدارىنىڭ شەتەل ازاماتتارىنا تۇرمىسقا شىعۋى. وسىعان قاتىستى پىكىرلەر تاۋسىلار ەمەس. ءبىرى قولداپ، قىزدارعا باقىت تىلەسە، ەندى ءبىرى قارعاپ-سىلەۋمەن ۋاقىتتارىن وتكىزۋدە. بايقاعانىمىز – شەتەلگە تۇرمىسقا شىققان قازاق قىزدارىن كوبىنە ەر جىگىتتەر داتتاپ جازعان. سونداي ەر جىگىتتەرگە ءتىلشى، بلوگەر وركەن كەنجەبەكتىڭ ايتارى بار ەكەن. ءوزىنىڭ فەيسبۋك پاراقشاسىنداعى جازباسىندا قىزدارىمىزدىڭ شەت ەلگە تۇرمىسقا شىعۋىنا ەركەكتەر ءوزىمىز كىنالىمىز دەيدى ءتىلشى. تولىق نۇسقاسى تومەندەگىدەي:
«بايقايمىن، دۇكەندە تۇرعان دجينسى شالباردىڭ كوبىنىڭ ەكى بالاققا ايرىلار تۇسى وتە تار. ايىپ ەتپەڭىزدەر، قۇددى اتالىق مۇشەسى جوق ەركەككىندىككە ارناپ تىگىلگەن سەكىلدى. ماكارونششيكتەردىڭ ءسانى مە، ماسونداردىڭ ساياساتى ما، كىم ءبىلسىن. سونى كيگەن ەركەكتىڭ دە دەنە قىزۋى ءوز ۇرىعىن كۇيدىرىپ - ودان تەستوستەرونى ازايىپ - ودان ەركەكتىگى جوعالىپ - ودان فەيسبۋكتە قالاي ارزان ءسوز، بىلجىر جازبا جازعانىن بىلمەي قالادى-اۋ.
قىرتىپ وتىرمىن. ال شىنىنا كەلسەك، بەلگىلى تەلەجۋرناليستتىڭ جات ۇلتتىڭ وكىلىنە تۇرمىسقا شىققانىن ايىپتاعان ءبىراز پوست كوردىم. ەگەر وسىدان جەتى-سەگىز جىل بۇرىنعى بالاڭ كەزىم بولسا، ءيا، مەن دە ءتىلىمدى سوزىپ تۇرىپ تىلدەر ەدىم. ءبىراق، ءقازىر ەشكىمدى ايىپتامايمىن. ءۇش مىسالمەن ءتۇسىندىرىپ كورەيىن.
ارىپتەسىم بولدى. ءبىر كابينەتتە وتىردىق. وتە جايدارى، پىسىق، تاماشا قىز. ءبىزدىڭ ارامىزدا وعان ەشكىم نازار اۋدارمادى ما، الدە ونىڭ تالابى جوعارى بولدى ما، "جىگىتى" بولمادى، انىق. سودان شەتەل اسىپ، وقۋعا كەتتى. سوندا ءجۇرىپ، پاكىستاندىققا تۇرمىسقا شىقتى. بالالى بولدى. وقۋىن بىتىرگەن سوڭ ەلگە قايتتى. پاكىستاندىق كۇيەۋبالانى دا قوسا الىپ كەلدى. ايتتىم عوي، پىسىق دەپ..
ارىپتەسىم بولدى. وتىزعا دەيىن ءجۇردى، شاماسى. قىزىلوردانىڭ با، شىمكەنتتىڭ بە، تازا قازاقى تاربيەسىن كورگەن قىزى. جاقسى تانيمىن. سوسىن جاقىن شەتەلگە جۇمىس بابىمەن كوشىپ باردى. ۋكراين ازاماتىنا تۇرمىسقا شىقتى. قىزىن قازاق-ۋكراين تىلدەرىنە ورتاق اتپەن اتادى. تۇرمىسقا شىققان سوڭ ەكى-ۇش رەت كوردىم، باقىتتى كادىمگىدەي. كۇيەۋىن بيلەپ العان، ەنەلەردىڭ جارگونىمەن ايتساق، توركىنىنە پاشكى-پاشكى سىيلىق جىبەرىپ تۇرادى.
ارىپتەسىم بولدى. سىزدەر ايىپتاپ جاتقان قىز. ول دا ءبىراز ءجۇرىپ قالدى. ءبىراق، ءبىر ەركەكتىڭ باسىن قادىرلەر، ءبىر وتباسىن گۇلدەتەر قاۋقارى بارىنا كامىل ەدىم - پىسىق. تاعى دا سول، ءبىزدىڭ جىگىتتەر مۇرنىمەن اي تىرەپ ءجۇردى مە، الدە كوزىمەن جەر ءسۇزىپ ءجۇردى مە، ايتەۋىر ءجونى ءتۇزۋ جان كەزدەسپەدى، شاماسى. ەندى باسقا ۇلتتىڭ وكىلى بولسا دا، مۇسىلمانعا تۇرمىسقا شىعىپتى. اللا تاعالا اق نەكەلەرىن باياندى ەتسىن!
ءيا، كەز-كەلگەن قازاق قىزى ءۇشىن بۇلجىماس قاعيدا بار، كىم بولسا دا، مۇسىلمانعا شىققانىڭ ابزال، ابزال ەمەس-اۋ، پارىز. ال باسقا جاعدايدىڭ بارىندە ءسوز بالتانى الىپ، ولاي-بۇلاي سەرمەگەننەن دىم وزگەرمەيدى. بارىنە كىنالى - ءوزىمىز. قازاق قىزى نەگە شەتەلدىككە تۇرمىسقا شىعىپ جاتىر دەگەنگە جاۋاپتى بىلتىر سيانعا (جۇڭگو) بارعاندا الىپ ەدىك. قازاق ستۋدەنتتەرىنىڭ ءدال وسى پاكىستاندىق يا اراب جىگىتتەرگە تۇرمىسقا شىعۋى ءبىراز ەكەن. نەگە دەپ بىر-ەكەۋىنەن سۇراسا ءبىزدىڭ جىگىتتەر، "سەندەر دورەكىسىڭدەر. ولار ايەلدى سىيلاي بىلەدى. جاۋاپكەرشىلىگى مول" دەپ جاۋاپ بەرىپتى. نە دەيسىڭ ەندى؟
سوندىقتان، بار ماسەلە وزىمىزدە. ەركەكتىڭ مىسى كەتتى. ايبارى قاشتى. جاۋاپكەرشىلىگى ازايدى. ەندى نە ىستەۋ كەرەك؟ وسىنىڭ ءبارىن قايتارايىق وزىمىزگە..
ال ونىڭ ەڭ ءبىرىنشى ءتيىمدى ءارى تەگىن جولى - فەيسبۋكتە قاتىنوسەك تەرىپ، بوقتان وزگەنىڭ ءبارىن ءسوز قىلۋدى دوعارۋ، مۋجيكي»
