كلاۋديو دە وليۆەيرا توكەرىلگەن باسپەن جانە اياق-قولداريا دەفورماسيالانعان كۇيىدە دۇنيەگە كەلگەن. دارىگەرلەر كلاۋديونىڭ اناسىنا ونى ءبىر اپتاعا دا شىدامايدى دەپ ايتقان بولاتىن، الايدا جاعداي مۇلدەم باسقاشا بولىپ شىقتى. ال قازىرگى تاڭدا، 40 جىلداي ۋاقىت وتكەننەن سوڭ وليۆەيرا ءوزىنىڭ «توڭكەرىلگەن» ءومىرى جايىندا كىتاپ جازىپ جاتىر، دەپ حابارلايدى morediva.ru، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

كلاۋديو برازيلياداعى مونتي-سانتۋ اۋرۋحاناسىندا وتە سيرەك كەزدەسەتىن اۋرۋ ءتۇرى «ارتروگريپوز» دەگەن دياگنوزبەن تۋىلعان. ستايستيكاعا سايكەس، مۇنداي اۋرۋدىڭ ءتۇرى 2-3% ادامداردا عانا كەزدەسەدى. برازيليالىق جىگىتتى اۋىر تاعدىر كۇتىپ تۇردى...

«مەن ءومىر بويى بۇكىل دەنە مۇشەمدى قورشاعان ورتاعا سايكەس بەيىمدەۋگە تىرىسىپ ءومىر ءسۇردىم. ەندى مەن دە وزگە ادامداردان ەش ايىرماشىلىعىم جوق دەپ ايتا الامىن»، - دەپ مالىمدەدى 37 جاستاعى كلاۋديو.

راسىمەن دە، دەنە مۇشەسىنىڭ مۇنداي كەمىستىگى وليۆەيرۋدىڭ ومىرگە الدىنا قويعان ماقساتىنا جەتۋ جولىندا كەدەرگى بولا المادى. باسى 180 گرادۋسقا توڭكەرىلىپ جانە اياق-قولى ىستەمەيتىندىگىنە قاراماستان كلاۋديو وليۆەيرۋ اتا-اناسىنا ماسىل بولماي، شۋاقتى كۇننىڭ استىندا ەركىن ءومىر ءسۇرۋى ءۇشىن تالماي ەڭبەكتەندى.