دۋباي – الەمدەگى ەڭ ادەمى دە، ەلدى قىزىقتىرارلىق قالا. ول جەردە ورنالاسقان اسپان تىرەگەن عيماراتتار، قىمبات كولىكتەر جانە بىرنەشە توننا التىندار – بارلىعى دا كەرەمەت كورىنەدى.

سونىمەن قاتار دۋبايدا جىل بويى اۋا-رايى ءبىر قالىپتى بولىپ تۇرادى، الايدا، كۇننىڭ دە داعى بار. ءدال سول سياقتى دۋباي دا ەش ءمىنسىز ەمەس. «قامشى» پورتالى نوۆايا ەپوحا پورتالىندا جاريالانعان دۋباي جايىنداعى جاعا ۇستاتارلىق 15 دەرەكتىڭ قازاقشا نۇسقاسىن نازارلارىڭىزعا ۇسىنادى.

اپتاعان ىستىقتا جۇمىسكەرلەر كۇنىنە 14 ساعات جۇمىس جاسايدى

دۋبايدا قۇرىلىستىڭ قارقىنى جىلدان-جىلعا ۇدەي تۇسۋدە. الايدا، قۇرىلىس ءۇشىن دە ادامنىڭ كۇشى كەرەك ەكەندىگى راس. ءدال سول ادامدار وتە اۋىر ءارى قولايسىز جاعدايدا، 48 گرادۋس ىستىقتا كۇنىنە 14 ساعات جۇمىس ىستەۋگە مىندەتتى. ادەتتە ول جاققا قىدىرىپ بارعان ساياحاتشىلارعا مۇنداي ىستىقتا 5 مينۋتتان ارتىق كۇننىڭ استىندا جۇرمەۋگە كەڭەس بەرەدى. وسىنىڭ سالدارىنان قايعىلى جاعدايلار كوپتەپ ورىن الادى، دەگەنمەن دۋبايدا اقشا كوپ جانە ولار بارلىق ماسەلەنىڭ بەتىن جابادى.

كوپشىلىكتىڭ كوزىنشە سۇيىسكەنى ءۇشىن تۇرمەگە توعىتىلادى

ينتەرنەتتە تاراعان ءتۇرلى فوتولار جۇرتتى اداستىرىپ، بۇل جەردە ليبەرالدى ءتارتىپ ورناعان دەگەن ويعا الىپ كەلەدى. الايدا، مۇلدەم ولاي ەمەس. مۇسىلمانداردا ءتارتىپ وتە قاتال. مىسالى، قوعامدىق جەرلەردە سۇيىسۋگە بولمايدى، ءتىپتى، قول ۇستاسىپ جۇرۋگە دە تىيىم سالىنعان. مۇنداي ءتارتىپتى بۇزعان ساياحاتشىلار ءىرى كولەمدە ايىپپۇل تولەۋگە مىندەتتى نەمەسە تۇرمەگە توعىتىلادى.

جىنىستىق قۇلدىققا سالىنۋ

جىنىستىق ارەكەت، ەسىرتكى، الكوگولگە قاتىستى بارلىق نارسەگە بۇل جەردە زاڭ وتە قاتال. كوشەدە قىزدار قولدارىن اشىپ جۇرسە دە جاۋاپقا تارتىلۋى مۇمكىن. الايدا، تۇنگى ۋاقىتتا بارلىعى دا مۇلدەم وزگەشە. الەمدە كەڭىنەن تاراعان جەزوكشەلىك ءىسى بۇل جەردە دە كەڭىنەن ەتەك جايعان: ءوز قىزمەتىن ساعاتىنا 500$-عا ۇسىناتىن 30 000 استام جەزوكشەلەر بار. ءيا، دۋبايدىڭ باعاسى وسىنداي. ەڭ سوراقىسى بۇل جەردە جەزوكشەلىك كاسىپتى زاڭسىز بولعاندىعىنا قاراماستان قولداپ، دامىتا تۇسۋدە.

ءىرى سۋ قويمالارىن ورىنسىز جۇمساۋ

دۋبايدىڭ نەگىزگى ورنالاسقان جەرى ءشول دالا. ياعني، اۋىز سۋ ماسەلەسى مۇندا وتە كۇردەلى. الايدا، اقشا كوپ بولعاندىقتان بۇل ماسەلەنى دە شەشۋ تۇك تە ەمەس، ءتىپتى، بۇل جەردە سۋدى ۇنەمدەۋدىڭ ورنىنا وڭدى-سولدى شاشۋ ۇستىندە.

مۇناي بىتكەننەن سوڭ دۋباي مىسقا ورانادى

ەگەر قولىڭىزدا قارا التىن بولسا، ءشول دالانىڭ ورتاسىنان ءزاۋلىم ساراي سالۋ تۇك تە ەمەس. تاياۋ شىعىستى نەگىزىنەن اسىراپ كەلە جاتقان دا سول – قارا التىن. دەگەنمەن، ول دا ءبىر كۇنى بىتەدى. شامامەن 20 جىلدان سوڭ مۇناي جەتىسپەۋشىلىگى باستالىپ، ونىڭ باعاسى شارىقتاپ كەتەدى. سول كەزدە دۋبايدىڭ جاعدايى نە بولماق ەكەن؟!

جابايى ناسىلشىلدىك

ءبىز ناسىلشىلدىكتى ادامدار دۇرىس ەمەس دەپ ويلايتىن ءححى عاسىردا ءومىر ءسۇرىپ كەلەمىز. الايدا، دۋبايدا جاعداي مۇلدەم بولەك. ناسىلشىلدىك بۇل جەردە وتە قاتتى دامىعان. بۇل قالادا ادامدارمەن ونىڭ ءتولقۇجاتىنا قاراپ ارالاسادى. مىسالى، ءبىر جۇمىستى امەريكالىق، ەۋروپالىق ازامات پەن وزگە ەلدىڭ ادامدارى بىردەي ىستەۋى مۇمكىن، الايدا ولاردىڭ اقىسى ەكى ءتۇرلى، امەريكالىق پەن ەۋروپالىق ازاماتتىڭ الاتىن اقىسى ەكى-ۇش ەسە كوپ بولىپ كەلەدى.

قۇلدىققا جەگىلۋ

سىرتىنان قاراعاندا دۋباي وتە اسەم قالا، ءبىراق ونىڭ ءىشىن اقتاراتىن بولساڭىز توزاققا ءتۇسىپ كەتكەندەي بولاسىز. ءۇندىستان، پاكىستان، جۇڭگو ەلدەرىنەن جۇمىس ىزدەپ كەلگەن ادامدار بۇل جەردە تىكەلەي قۇلدىققا جەگىلەدى، ءبىراق بارلىعى دا زاڭ جۇزىندە ىسكە اسىرىلادى. ولاردىڭ ءتولقۇجاتتارىن الىپ قويادى دا، ارزىمايتىن اقشاعا وتە قيىن جۇمىس ىستەتكىزەدى.

قوعامدىق ورتانى لاستاۋ

وتە ءىرى قۇرىلىستىڭ سالدارىنان ءتۇرلى حيميالىق قالدىقتار قالادى دا، ولاردى تەڭىزگە الىپ بارىپ تاستايدى. مەملەكەت بۇل ىسكە قالا قارايدى؟ ولار ۇندەمەيدى، سەبەبى ءوز باستارىنا بالە تىلەپ الۋى ابدەن مۇمكىن.

كولىكتى قاتتى ايداۋ – ولىمگە اكەلىپ سوقتىرادى

دۋبايدا قىمبات ءارى سيرەك ماركالى كولىكتەر وتە كوپ. ولاردى مىنگەن ادامدار، ارينە، جىلدام جۇرگەندى ۇناتادى. الايدا، ونىڭ سالدارىنان وتە كوپ قايعىلى جاعدايلار ورىن الىپ جاتادى.

دۋبايدا بارلىعى دا جاساندى

دۋبايدا تۇرىپ، جۇمىس ىستەگەن ادامداردىڭ كوبىسى بۇل جەردەگىنىڭ بارلىعى دا جاساندى ەكەندىگىن ايتادى. جاساندى اعاشتار، جاساندى كۇلكى. باي-باعلاندار وزدەرىن كورول ساناۋى ءۇشىن دۋبايدى جاساندى ەتىپ سالعان. بۇل جەردە بىرنەشە ۋاقىت تۇرعان ادامداردىڭ ايتۋىنشا، بۇل جاساندىلىقتىڭ بارلىعىن ادامداردى قىزىقتىرىپ، ولاردىڭ اقشاسىن الۋ ءۇشىن جاساعان.

اقشاسى جوق ادامدارعا زاڭ وتە قاتىگەز

ءيا، دۋبايدا كوڭىلدى كەشتەر مەن قىمبات كولىكتەر كوپ، باي ادامدار كوپ. الايدا، ءوز كۇندەرىن كورە الماي جۇرگەن بەيباقتار دا وتە كوپ. كوبىسى دۋبايعا جاعدايلارىن جاقسارتۋ ءۇشىن بارادى، ءبىراق بۇل جەردە زاڭ سونشالىقتى قاتال، ءبىر ايىپپۇلدى كەشىكتىرەتىن بولساڭ، تۇرمەدەن ءبىر-اق شىعۋعا بولادى. ەگەر، ءبىر كومپانيا قۇردىمعا كەتسە، ونىڭ قىزمەتكەرلەرى دە بىرگە قۇردىمعا كەتەدى. ولاردىڭ باسپانالارىن تارتىپ الىپ، تۇرمەگە جابادى.

سوناپۋر – جۇمىسشىلار گەتتوسى

سوناپۋر – كەدەي جۇمىسشىلار شوعىرلانعان دۋبايدىڭ اۋدانى. جىلدان-جىلعا بۇل ايماقتا قۇلدىققا جەگىلۋشىلەردىڭ سانى ارتىپ، گەتتوعا اينالىپ بارادى. بۇل جەردە 150000 اسا جۇمىسشىلار ادام سەنگىسىز جاعدايدا ءومىر ءسۇرىپ جاتىر. كىشكەنتاي عانا بولمەدە 8-9 ادام تۇرادى. گيگيەنالىق تازالىق پەن تاعام مۇندا ۇمىت قالعان. مەملەكەت بۇل ماسەلەنى قالاي شەشۋدە؟ ولاردىڭ ويىنشا، بۇل ادامدار ءزاۋلىم قوناق ۇيلەر مەن اسپان تىرەگەن عيماراتتار سالىپ جاتقاندا ەشقانداي دا ماسەلە جوق.

جىرتقىش اڭدار بۇل جەردە جابايىعا جاتپايدى

دۋبايدا اقشاسى كوپ ادامدار قاراجاتتارىن قايدا جۇمسارلارىن بىلمەي، بىرەۋلەرى التىنمەن اپتالعان كولىك ساتىپ الىپ جاتسا، ەندى بىرەۋلەرى كوك قاعاز تولى حاۋزدا جۇزەدى. ال، ەڭ تاڭقالارلىعى – كەيبىر ادامدار ءۇي جانۋارلارىنىڭ ورنىنا جىرتقىش اڭداردى ۇستايدى. ال ولار قوعامدىق ورتادا وتە ءقاۋىپتى.

دۋبايدا ءسوز بوستاندىعى دەگەن – اڭىز

بۇل جەردە ءوز ويىڭدى تەك بيلىكتەگىلەرگە ۇنايتىنداي ەتىپ قانا جەتكىزۋگە بولادى. بۇلاي بولماعان جاعدايدا قۇپيا پوليسيا قىزمەتكەرلەرى ءوز جۇمىسىنا كىرىسىپ، بارىڭنان ايىرادى نەمەسە اۋىزىڭدى جابادى، كەيدە تۇرمەگە توعىتادى.

دۋبايدى ديكتاتورلار باسقارادى

مۇنىڭ ءبارىن كىمنىڭ باسقاراتىنىن بىلەسىز بە؟ بىرىككەن اراب امىرلىكتەرى – حاليف يبن زايد ءال-ناحايان باسقارعان فەدەرالدى مونارحيا. الايدا، ول جەردەگى بارلىق ماڭىزدى شەشىمدەردى دۋباي ءامىرى، ۆيسە-پرەزيدەنت ءارى پرەمەر-مينيستر مۇحاممەد يبن راشيد ءال-ماقتۋم قابىلدايدى. بارلىق قاراجاتتى دا ءوز باقىلاۋىندا ۇستايدى جانە دە قۇزىرەتتىلىگى وتە جوعارى ادام. ال بۇل ادام جايىندا جامان ويلاساڭىز، اۋىر جازاعا تارتىلۋىڭىز ابدەن مۇمكىن.

اۋدارعان: نازەركە لابيحان