پولشا تۋ-154 ۇشاعىنىڭ اپاتقا ۇشىراۋىنا رەسەيلىك ديسپەچەرلەردى كىنالادى. باس پروكۋروردىڭ ورىنباسارى مارەك پوششەنەك پولشا پروكۋراتۋراسى سمولەنسك ۇشاق اپاتىنا قاتىستى  رەسەي ديسپەچەرلەرىنە تاعىلعان ايىپتى العا تارتتى دەپ حابارلايدى Qamhsy.kz ورىستىڭ كوممەسانت باسىلىمىنا سىلتەمە جاساپ.

وقىرماننىڭ ەسىنە سالاتىن بولساق، پولشا ۇكىمەتى ۇشاعىنىڭ 2010 جىلى 10 ءساۋىر سەنبىدە سمولەنسك وبلىسىندا اپاتقا ۇشىراعان بولاتىن.

رەسەيدىڭ اۋماعىندا اپاتقا ۇشىراعان تۋ-154 ۇشاعىندا پولشا پرەزيدەنتى لەح كاچينسكيي زايىبىمەن، سونداي-اق ەلدىڭ ءبىرقاتار لاۋازىمدى تۇلعالارى بولعان. لەح كاچينسكيي مەن ونىڭ ايەلى وتىرعان ۇشاق اپاتىنان ەشكىم ءتىرى قالمادى. پولشا حالقى ۇشاق اپاتىندا قازا بولعانداردى جوقتاپ، ءبىر اپتا بويى ازا تۇتتى.

سمولەنسكىگە بارا جاتقاندا اپاتقا ۇشىراعان بۇل ۇشاقتا بارلىعى 95 ادام وتىرعان. 60 جاستاعى لەح كاچينسكيي 2005 جىلى پولشانىڭ پرەزيدەنتى بولىپ سايلانعان ەدى. كاچينسكيي رەسەيدىڭ سمولەنسك ايماعىنداعى كاتىنگە ەسكە الۋ كەشەنىنە بارا جاتقان.

ايتا كەتسەك، 1940 جىلى كاتىن ورمانىندا نكۆد-نىڭ قولىنان مىڭداعان پولياك قازا تاپقان ەدى.