وبلىستىق اكىمدىكتە ءوڭىر باسشىسى قۇمار اقساقالوۆتىڭ توراعالىعىمەن جەمقورلىققا قارسى كۇرەس ماسەلەلەرى بويىنشا ۆەدومستۆوارالىق كوميسسيانىڭ  وتىرىسى ءوتتى. ءماجىلىس بارىسىندا جەر قاتىناستارى سالاسىندا جەمقورلىققا قارسى زاڭنامانى ساقتاۋ، رۋحاني-ادامگەرشىلىك جانە ازاماتتىق-پاتريوتتىق تاربيەگە بايلانىستى وقۋشىلار اراسىندا جەمقورلىققا قارسى مادەنيەتتى قالىپتاستىرۋ بويىنشا قولدانىلىپ جاتقان شارالار تالقىلاندى.

    وتىرىستا وبلىستىق جەر قاتىناستارى  باسقارماسىنىڭ باسشىسى  ەسەنگەلدى كارىبايەۆ ءبىرىنشى بولىپ  ءسوز سويلەدى. ول 2016 جىلى وبلىستىق جەر كوميسسياسى 6 وتىرىس وتكىزىپ، وندا جەر ۋچاسكەلەرىن بەرۋ تۋرالى 21 ءوتىنىش قارالعانىن، ولاردىڭ 17ء-سى  قاناعاتتاندىرىلىپ، 4ء-ۋى قابىلدانباعانىن اتاپ ايتتى.

     «قازىرگى كەزدە جەر ماسەلەسى ەڭ ماڭىزدىلاردىڭ ءبىرى سانالادى. وسى ماقساتتا ق ر اۋىل شارۋاشىلىعى ءمينيسترى جەر رەفورماسى ماسەلەسى بويىنشا ءتۇسىندىرۋ جۇمىستارىنىڭ رەسپۋبليكالىق جوسپارىن بەكىتتى، سونىڭ نەگىزىندە وڭىرلىك جوسپار جاسالدى. جوسپاردى ورىنداۋ ءۇشىن وبلىستىڭ اۋداندارىندا جۇمىس توپتارى قۇرىلدى، ولار تۇرعىنداردىڭ اراسىندا جەر زاڭناماسىن تۇسىندىرۋمەن اينالىساتىن بولادى»،- دەدى ەسەنگەلدى كارىبايەۆ.

      باياندامانى تىڭداي كەلە، قۇمار اقساقالوۆ تۇرعىندار مەن باسقارما جۇمىسى اراسىندا مولدىرلىكتى قامتاماسىز ەتۋ ءۇشىن، قوعامدىق باقىلاۋ جۇمىسىن كۇشەيتۋگە ارنالعان  تەتىك ازىرلەۋدى  تاپسىردى.

     «جەر قاتىناستارى وسى ۋاقىتقا دەيىن اسكەري قۇپيا سياقتى. مەن اۋدان اكىمدەرىنىڭ سايتتارىن قارادىم، ولاردا اقپارات وتە از، قولجەتىمدىلىگى دە شامالى. كىم، قاشان جەر العانىن، كەلەسى كەزەكتە كىم ەكەندىگىن  ادامدار ءبىلۋى ءتيىس. سول سياقتى جەر بولۋمەن اينالىساتىنداردى، مىسالى- ءبولىم باسشىلارىن  تەكسەرۋ كەرەك. جەردىڭ ءارى قاراي ءبولىنۋى كەيدە سولارعا بايلانىستى. ولاردىڭ جۇمىسىن قاراۋ قاجەت»،- دەدى قۇمار ىرگەباي ۇلى.

       ءبىلىم باسقارماسى باسشىسىنىڭ ورىنباسارى ۆلاديمير تكاچەنكو  رۋحاني-ادامگەرشىلىك جانە ازاماتتىق-پاتريوتتىق تاربيەگە بايلانىستى وقۋشىلار اراسىندا جەمقورلىققا قارسى مادەنيەتتى قالىپتاستىرۋ بويىنشا قولدانىلىپ جاتقان شارالار جايىندا باياندادى. .

    پاندىك كۋرستاردى  وقۋ بارىسىندا  قازاقستاندىق پاتريوتيزم  رۋحىندا جەكە تۇلعانى تاربيەلەۋگە، جەمقورلىقتى قابىلداماۋعا، جەمقورلىققا قارسى مادەنيەتتى قالىپتاستىرۋعا ەرەكشە كوڭىل بولىنەدى.

       «2016 جىلدىڭ قاڭتار ايىنان باستاپ جالپى ءبىلىم بەرەتىن 440 ەرىكتى «ادال ۇرپاق» مەكتەپ كلۋبتارى جانە «پاراساتتى ازامات»  بۇرىشتارى  قۇرىلدى. ەرىكتى «ادال ۇرپاق» مەكتەپ كلۋبتارىنىڭ نەگىزگى ماقساتى - مەكتەپتە جەمقورلىققا قارسى مادەنيەتتى قالىپتاستىرۋ، جەمقورلىققا بايلانىستى توزبەۋشىلىكتى  نىعايتۋعا ارنالعان  باستامالاردى  ماداقتاۋ، جەمقورلىققا قارسى شارالاردى ۇيىمداستىرۋعا قاتىسۋ»،- دەدى ۆلاديمير تكاچەنكو.

        ءوڭىر باسشىسى قۇمار اقساقالوۆ وسى باعىتتا ۇيىمداستىرىلعان  بارلىق شارالارعا وقۋشىلار مەن جاسوسپىرىمدەردى دۇرىس قىزىقتىرا ءبىلۋ كەرەكتىگىن  اتاپ كورسەتى.

        «ءبىزدىڭ بارلىق  جۇمىسىمىزدىڭ اسەرى، ناتيجەسى تەوريا جۇزىندە ەمەس، ناقتى كورىنۋگە ءتيىس. كەز كەلگەن لەكسيا اقشاعا وقىلادى. سىزدەردىڭ قىزمەت ايالارىڭ كەڭ دەپ ەسەپتەيمىن. مەملەكەت باسشىسىنىڭ باستامالارى جاستار، قوعامدىق جانە وقۋشىلار اراسىندا وتكىزىلگەنى جانە جۇزەگە اسىرىلعانى وتە ماڭىزدى»،- دەپ ناقتىلادى