سقو اكىمدىگىندە وتكەن ۆەدومستۆوارالىق كوميسسيانىڭ وتىرىسى بارىسىندا قۇقىقبۇزۋشىلىقتىڭ الدىن الۋعا ارنالعان ماسەلە تالقىلاندى. «ءجاسوسپىرىم» جەدەل-الدىن الۋ شاراسىن وتكىزۋدىڭ قورىتىندىسى جايىندا سقو ءىىد جەرگىلىكتى پوليسيا قىزمەتىنىڭ باستىعى قانات ايتبايەۆ باياندادى.
قازىرگى ۋاقىتتا سولتۇستىك قازاقستان وبلىسى اۋماعىنداعى«ءجاسوسپىرىم» جەدەل-الدىن الۋ شاراسىنا 462 پوليسيا قىزمەتكەرى، 87 ءبىلىم، 19 دەنساۋلىق ساقتاۋ سالاسىنىڭ وكىلدەرى، 16 پروكۋراتۋرا قىزمەتكەرلەرى، 13 «نۇر وتان» پارتياسى وكىلدەرى جۇمىلدىرىلعان.
«جەدەل-الدىن الۋ شاراسىن وتكىزۋ كەزىندە ىشكى ىستەر ورگاندارىنا 383 كامەلەتكە جاسى تولماعان بالا جەتكىزىلدى، ونىڭ 1ء-ۋى قىلمىس جاساعانى ءۇشىن، 55ء-ى – اكىمشىلىك قۇقىق بۇزعانى ءۇشىن، 217ء-سى – باقىلاۋسىز جانە قاداعالاۋسىز جۇرگەنى ءۇشىن. وسى كەزەڭدە 429 قۇقىق بۇزۋشىلىق انىقتالدى، ونىڭ 33ء-ىن كامەلەتكە جاسى تولماعاندار جاساعان»،- دەدى قانات ايتبايەۆ.
وبلىس اكىمى قۇمار اقساقالوۆ پوليسيا قىزمەتى جەرگىلىكتى اتقارۋشى ورگاندارمەن جۇمىستى كۇشەيتە ءتۇسۋى كەرەكتىگىن ايتتى.
«قوعامدىق تارتىپكە بەي-جاي قارامايتىن جانە سوعان جانى اشيتىن بيزنەسمەندەر مەن قوعامدىق ۇيىمداردىڭ وكىلدەرى بار. قىلمىس جاساۋعا بەيىم تاۋەكەل ايماقتاردا تۇراتىن جەتكىنشەكتەر دە كەزدەسەدى. ولاردى ارنايى مەكتەپكە دەيىن جەتكىزبەي، ساباقتان كەيىن بوس بولمايتىنداي ىستەرمەن قامتىپ، ولارمەن جۇمىس ىستەۋ كەرەك. ولاردىڭ مەكتەپتەن كەيىن نەمەن اينالىساتىنىن، بالالاردىڭ جۇمىسباستىلىق پايىزىن ءبىلۋ قاجەت»،- دەدى ءوڭىر باسشىسى.
سول سياقتى وتىرىس بارىسىندا م.جۇمابايەۆ جانە جامبىد اۋداندارىنىڭ اكىمدەرى قۇقىق بۇزۋشىلىقتىڭ الدىن الۋ بويىنشا جەرگىلىكتى اتقارۋشى ورگانداردىڭ اتقارىپ جاتقان شارالارى جايىندا اقپارات بەردى.
