سانكت-پەتەربۋرگ مەتروسىندا جارىلىس بولدى دەپ حابارلايدى qamshy.kz.

بۇگىن سانكت-پەتەربۋرگ قالاسىنداعى مەترو ستانسياسىندا جارىلىس بولدى. دەرەكتەرگە سايكەس، مەترو ۆاگوندارىنىڭ ءبىرى جارىلىپ، 10 ادام قازا تاپقان. ءبىرىنشى جارىلىس سەننايا الاڭىندا بولعان، ال ەكىنشىسى تەحنولوگيالىق ۋنيۆەرسيتەتتىڭ جانىندا ورىن الدى. سەننايا الاڭى قالانىڭ ورتالىعى بولىپ تابىلادى.

ايتا كەتەر بولساق، پەتەربۋرگ مەترولارى وتە تەرەڭدە ورنالاسقان.

ءدال ءقازىر مەتروداعى جولاۋشىلاردى قۇتقارۋ شارالارى جۇرگىزىلىپ جاتىر. جارىلىستىڭ ءدال قاي ۋاقىتتا بولعانى بەلگىسىز، كۋاگەرلەردىڭ ايتۋىنشا، جارتى ساعات بۇرىن بولعان. جارالانعان ادامداردىڭ سانى وتە كوپ، قايتىس بولعان ادامداردىڭ سانى ازىرگە 10.

بۇگىن رف پرەزيدەنتى ۆلاديمير پۋتين سانكت پەتەربۋرگقا بارىپ تىلشىلەرمەن كەزدەسىپ، كەيىننەن بەلارۋسيا پرەزيدەنتى الەكساندر لۋكاشەنكومەن رەسمي كەزدەسۋ وتكىزۋ كەرەك بولاتىن.

سانكت-پەتەربۋرگ مەتروسىندا الدىمەن ەكى جارىلىس بولدى دەسە، كەيىننەن ءبىر ستانسياسىندا جارىلىس بولعانى انىقتالدى. مۇنداي مالىمدەمەنى جەرگىلىكتى ب ا ق حابارلادى. سالادارىنان 10 ادام كوز جۇمىپ، 20 ادام جارالاندى. ءقازىر ادامداردى ەۆاكۋاسيالاۋ جۇمىستارى جۇرگىزىلىپ جاتىر. بارلىق تەراكتى بەلگىلەرى بار دەپ حابارلايدى جەرگىلىكتى ب ا ق.

جەدەل جاردەم، پوليسەيلەر مەن قۇتقارۋشى توپ وقيعا ورنىنا كەلىپ ۇلگەردى.

8 مەترو ستانسياسى جابىلدى. ينتەرفاكستىڭ حابارلاۋىنشا بىرنەشە ۆاگون زاقىمداندى.