ورتالىق كوممۋنيكاسيالار قىزمەتىندە 2017 جىلى كوكتەمگى ەگىس جۇمىستارىن جۇرگىزۋ ءۇشىن قازاقستاندىق اۋىل شارۋاشىلىعى تاۋارلارىن وندىرۋشىلەردى باعاسى جەڭىلدەتىلگەن ديزەل وتىنىمەن قامتاماسىز ەتۋ ماسەلەسىنە ارنالعان بريفينگ وتكىزىلدى.
ءىس-شاراعا ەنەرگەتيكا ۆيسە-مينيسترى اسەت ماعاۋوۆ، «قازمۇنايگاز ونىمدەرى» ج ش س وپەراسيالىق باسقارۋ بويىنشا باس ديرەكتوردىڭ ورىنباسارى نۇركەن مىرزاعالييەۆ جانە «گەليوس» ج ش س لوگيستيكا جونىندەگى ديرەكتورى ارتۋر نام قاتىستى.
ق ر اۋىل شارۋاشىلىعى مينيسترلىگى جىل سايىن وبلىس اكىمدىكتەرىمەن بىرلەسىپ، اۋىل شارۋاشىلىعى تاۋارلارىن وندىرۋشىلەرگە قاجەتتى كولەمدى انىقتايدى جانە ق ر ەنەرگەتيكا مينيسترلىگىنە ەگىس جانە ەگىستى جيناۋ جۇمىستارىن جۇرگىزۋگە ارنالعان ءاشتو ءۇشىن ديزەلدىك وتىندى جەتكىزۋ كولەمى تۋرالى ۇسىنىستاردى ەنگىزەدى.
قازىرگى كەزدە ق ر ەنەرگەتيكا مينيسترلىگى ق ر اۋىل شارۋاشىلىعى مينيسترلىگىمەن بىرلەسىپ «كوكتەمگى ەگىس جۇمىستارىنا ديزەلدىك وتىندى جەتكىزۋ بويىنشا مۇناي وڭدەۋ زاۋىتتارىنا (ءموز) وبلىستاردى بەكىتىپ بەرۋ كەستەسىن» بەكىتتى.
بەكىتىلگەن كەستە ق ر اۋىل شارۋاشىلىعى مينيسترلىگى اتىنان وبلىس اكىمدىكتەرىنىڭ اۋىل شارۋاشىلىعى باسقارمالارىنا جانە ق ر ەنەرگەتيكا مينيسترلىگى اتىنان رەسۋرس ۇستاۋشىلارعا جىبەرىلدى.
وبلىس اكىمدىكتەرىنىڭ اۋىل شارۋاشىلىعى باسقارمالارى ءوز دەڭگەيلەرىندە وپەراتورلاردى انىقتايدى.
كوكتەمگى ەگىس جۇمىستارىنا قاتىستى بەكىتىلگەن ديزەلدىك وتىندى جەتكىزۋ كەستەسى شەڭبەرىندە 2017 جىلعى ەگىس جۇمىستارىنا اشتو-گە 375 مىڭ توننا ديزەلدىك وتىن ءبولىندى، ونىڭ ىشىندە اتىراۋ ءموز 79،0 مىڭ. توننا، پاۆلودار مۇناي-حيميا زاۋىتى 233 مىڭ توننا جانە پكوپ 63،0 مىڭ توننا بولگەندىگىن اتاپ وتكەن ءجون.
