بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ماجارستاننىڭ ق ر توتەنشە جانە وكىلەتتى ەلشىسى اندراش باراني ءمالىم ەتتى.
«بۇگىن ورتالىق جانە شىعىس ەۋروپاداعى ەڭ ءىرى لوۋ-كوست اۋە تاسىمالداۋىشىسى Wizz Air اۋەكومپانياسى استانا جانە ماجارستاننىڭ ەلورداسى بۋداپەشت اراسىنداعى جاڭا اۋەقاتىناس جولىنىڭ ىسكە قوسىلاتىندىعىن جاريالادى. جاڭا اۋەقاتىناس جولى ماۋسىم ايىنىڭ 8ء-شى جۇلدىزىندا ىسكە قوسىلادى جانە اپتادا ەكى رەت، بەيسەنبى جانە جەكسەنبى كۇندەرىندە جۇمىس ىستەيتىن بولادى. استانا-بۋداپەشت اۋەبيلەتتەرى ءقازىردىڭ وزىندە ساتىلۋدا. ولاردى تىكەلەي wizzair.com سايتىندا 39،99 ەۆرودان باستالاتىن باعالار بويىنشا ساتىپ الۋعا بولادى» دەدى ول.
ماجارستان «Wizz Air Hungary Ltd» اۋەكومپانياسىنىڭ كوممۋنيكاسيالار ءبولىمىنىڭ باسشىسى تامارا ۆالۋا بولسا اتالعان اۋەرەيسى ەكى ەل اراسىنداعى تاتۋلىقتى نىعايتا تۇسەرىنە سەنىم ءبىلدىردى.
«استانا-بۋداپەشت باعىتىنىڭ اشىلۋى Wizz Air كومپانياسى ءۇشىن ايتۋلى وقيعا دەپ ەسەپتەلەنەدى ويتكەنى بۇل ءبىزدىڭ اۋەكومپانيامىزدىڭ قازاقستانداعى دەبيۋتى. سونداي-اق بۇل باعىت قازاقستاندى ەۋروپا وداعىمەن ءبىرىنشى لوۋ-كوست اۋەقاتىناس جولىمەن قامتاماسىز ەتەدى. ءبىز باعدارلى تورابىمىزدىڭ ءارى قاراي دامىۋىنا، جاڭا جۇمىس ورىندارىن قالىپتاستىرۋىنا جانە بيزەنستى دامىتۋعا سەنىمدىمىز. ءبىزدىڭ استانا-بۋداپەشت اۋەقاتىناس جولىمىز ەكى ەلدىڭ اراسىنداعى تۋريزم جانە بيزنەس جونىندەگى قارىم-قاتىناستاردى ىنتالاندىرىپ شەتەلدىك قوناقتار ءۇشىن EXPO-2017 كورمەسىنە قاتىسۋىنىڭ جەڭىل جانە قىمبات ەمەس ءتاسىلىن اشادى. ءبىز ماجارستان جانە قازاقستان ۇكىمەتتەرىنە اۋەباعىتتىڭ جۇزەگە اسۋى بارىسىندا كورسەتكەن قولداۋلارى ءۇشىن العىسىمىزدى ايتامىز جانە قۇرمەتتى جولاۋشىلاردى اۋەكەمەلەرىمىزدىڭ بورتىندا تاعاتسىزدانا كۇتەمىز» دەدى ول.
ايتا كەتەتىن تاعى ءبىر جايت، «Wizz Air» ورتالىق جانە شىعىس ەۋروپاداعى ەڭ ءىرى لوۋ-كوست اۋە تاسىمالداۋىشىسى بولىپ تابىلادى. اۋەكومپانيانىڭ فلوتىن Airbus A320 جانە A321 ءتۇرلى 79 ۇشاق قۇرايدى. اۆياسيا سالاسىنداعى مامانداندىرىلعان جەتەكشى باسىلىمداردىڭ ءبىرى «Air Transport World» حابارى بويىنشا Wizz Air 2016 جىلدىڭ «ەڭ ۇزدىك اۋەكومپانياسى» بولىپ تابىلعان.
