قاسىم-جومارت توقايەۆتىڭ ءتوراعالىق ەتۋىمەن قازاقستان رەسپۋبليكاسى پارلامەنتى سەناتىنىڭ بيۋرو وتىرىسى بولدى. بيۋرودا ماجىلىستەن تۇسكەن زاڭ جوبالارى كوميتەتتەرگە ءبولىنىپ بەرىلدى.
كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى«حالىقارالىق جەكە قۇقىق جونىندەگى گااگا كونفەرەنسياسىنىڭ جارعىسىن راتيفيكاسيالاۋ تۋرالى» زاڭ جوباسىن ودان ءارى پىسىقتاۋ ءارى قورىتىندى ازىرلەۋ بويىنشا جاۋاپتى بولدى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا باس كوميتەت بولىپ الەۋمەتتىك-مادەني دامۋ جانە عىلىم كوميتەتى بەلگىلەندى.
بيۋروعا پالاتانىڭ 2017 جىلى 6 ساۋىردە وتەتىن كەزەكتى وتىرىسىنىڭ كۇن ءتارتىبى بويىنشا ۇسىنىستار دا ەنگىزىلدى.
سەناتورلارزاڭناماعا اۋە كەڭىستىگىن پايدالانۋ جانە اۆياسيا قىزمەتى ماسەلەلەرى بويىنشا تۇزەتۋلەردى، «كوللەكتورلىق قىزمەت تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوللەكتورلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسىن قارايتىن بولدى.
