"قامشى" اقپاراتتىق اگەنتتىگى ەركىن وي-پىكىر الاڭى ەكەندىگىن ەستەرىڭىزگە سالا كەتەيىك.
"بايقاپ قاراپ وتىرساڭ، لاتىن ءالىپبيى بىزگە بولاشاعىمىز ءۇشىن وتە كەرەك نارسە ەكەن. لاتىن الىپبيىمەن وسكەن ۇرپاق ورىستىڭ ءارپى مەن تىلىنە تەلمىرگەندى قويىپ، ساناسى وتارسىزدانادى دا، الەمدىك نارىقتى يگەرە باستايدى. ياعني، "ورىس الەمىمەن" بايلانىسىن ءۇزىپ، قۇلدىق پسيحولوگيانىڭ قامىتىنان قۇتىلادى. ءدال ءقازىر وسى قۇلدىق پسيحولوگيا ەكى-اق نارسەگە سۇيەنىپ تۇر. ورىستىڭ ءتىلى مەن الفاۆيتىنە. ەگەر ەكەۋىن الىپ تاستاساق، وتارسىزدانۋ (دەكولونيزاسيا) پروسەسى ءوزى-اق تابيعي تۇردە جالعاسىپ كەتە بەرەدى ەكەن... بۇرىن بۇعان ءمان بەرمەپپىن. ءازىربايجان مەن گرۋزياداعى رەفورمالارعا قاراپ وتىرىپ، ولاردىڭ از عانا ۋاقىتتا وسىنداي جەتىستىككە جەتكەنىن بايقادىم. ونى وزدەرى دە سەزبەيتىن سەكىلدى. مىنا كيريلليسا «ورىس الەمىنىڭ» كۇرەتامىرى ەكەنىنە ەندى كوزىم جەتىپ وتىر. وتكەن عاسىردىڭ باسىندا وتارشىلدار قازاقتى ءدۇبارالاي ءتۇسۋ ءۇشىن بىرنەشە رەت ءالفاۆيتىن اۋىستىرعانى سەكىلدى، ورىسقۇلدىقتان دا ونىڭ ءالىپبيىنىڭ كوزىن قۇرتساق قانا قۇتىلامىز. كوممۋنيستەر دە كەزىندە حالىقتى وتكەنىن وقي المايتىنداي ەتىپ دۇمشەلەپ جىبەرۋ ءۇشىن ەڭ الدىمەن ءالفاۆيتىن اۋىستىرىپ، زامانداس بولعان بىرنەشە ۇرپاقتى ءبىرىنىڭ جازعانىن ءبىرى تۇسىنبەيتىندەي قىلىپ جىبەرگەن عوي. بىزگە دە الدا ءدال وسىنداي تاكتيكانى قولدانىپ، جاستارعا «پەرەفورماتيروۆانيە» جاساۋ كەرەك. كيريلليسانى الىپ تاستاساق، كەيىنگى بۋىن دا وتكەن قۇلدىق كەزەڭمەن بايلانىسىن ءۇزىپ، جاڭا يدەولوگياعا بەيىمدەلە باستايدى...."
جولىمبەت ماكىشتىڭ فەيسبۋك پاراقشاسىنان
پىكىر قالدىرۋ