37 جاستاعى ساندرا پەدرو جۇكتىلىكتىڭ 4ء-شى ايىندا اۋرۋحاناعا باسىنىڭ قاتتى اۋىرعاندىعىن ايتىپ بارادى. بىرنەشە ساعاتتان كەيىن دارىگەرلەر ساندرانىڭ مي بولىگىنىڭ ءولىپ قالعانىن انىقتاعان. ساندرا پەدرو گەممورراگيالىق ينسۋلتتىڭ سالدارىنان قايتىس بولدى دەپ جازادى "قامشى" اقپاراتتىق اگەنتتىگى.

ونىڭ ءمايىتىن تەكسەرۋ بارىسىندا قۇرساقتاعى بالانىڭ ءالى ءتىرى ەكەندىگى انىقتالعان. مۇنى بىلە سالا دارىگەرلەر ساندرانىڭ وكپەسىن جاساندى اۋا جۇرگىزەتىن اپپاراتقا قوسىپ، ازىق پەن گورمونداردى كۇرە تامىردان جىبەرىپ وتىرعان. ساندرا پەدروعا قارايتىن مەيىربيكە مەن مەيىرگەر شارانانىڭ ءوزىن تاستاندى سەزىنبەۋى ءۇشىن انانىڭ ىشىنە ماسساج جاساپ، سابيگە ءان، ەرتەگى ايتىپ، مۋزىكا قوياتىن.

دارىگەرلەر قۇرساقتاعى بالانىڭ دۇرىس جەتىلىپ جاتقانىن بايقايدى. كىشكەنتاي لورەنسو ماۋسىم ايىنىڭ باسىندا دۇنيەگە كەلدى. ونى انانىڭ ءىشىن كەسىپ الدى. بالا ولگەن اناسىنىڭ قۇرساعىندا 107 كۇن وتكىزگەن. لورەنسو - ايەلىنىڭ دۇنيەدەن وزعانىن اۋىر قابىلداعان اكەسىنە جاڭا ءۇمىت پەن باقىت سىيلادى.  

دارىگەرلەر بۇعان دەيىن مۇنداي جاعداي تاجىريبەسىندە بولماعانىن ايتادى. ولار ءسابيدىڭ العاشقى جىلاعان داۋىسىن ەشقاشان ۇمىتپايتىندارىن ايتادى.

بالا دۇنيەگە كەلگەننەن كەيىن ساندرانىڭ اپپاراتىن بىردەن ءوشىرىپ تاستايدى. كەلەسى كۇنى ونى جەر قوينىنا تاپسىردى.