رەسەي قۇرامىنا كىرەتىن كاباردينو-بالكاريي رەسپۋبليكاسىنىڭ پروحلادنىي قالاسىندا 34 جاستاعى اكە 8 ايلىق بالاسىن ۇيىقتاۋعا كەدەرگى كەلتىرگەنى ءۇشىن 4 قاباتتىڭ تەرەزەسىنەن لاقتىرىپ جىبەردى، دەپ حابارلايدى كومسومولسكايا پراۆدا. مالىمەتتىڭ قازاقشا نۇسقاسىن «قامشى» اقپاراتتىق اگەنتتىگى وقىرمان نازارىنا ۇسىنادى.

ىشىمدىككە تويىپ العان ەركەك ۇيىقتاعىسى كەلىپ جاتقان كەزىندە بالاسىنىڭ جىلاعان داۋىسى مازا بەرمەپتى، سونان سوڭ بالانى الىپ 4 قاباتتىڭ تەرەزەسىنەن لاقتىرىپ جىبەرگەن. الەشا ەسىمدى ءبۇلدىرشىن اۋىر جاراقات العان، دەگەنمەن ءتىرى.

وقيعا ورىن العان كەزدە اناسى ۇيىندە بولعان. الايدا، ول بولعان جايتتى بايقاماي قالعان.

ءسابيدى كوشەدە ءوتىپ بارا جاتقان بەيتانىس بىرەۋلەر امان الىپ قالعان. كۋاگەرلەر دەرەۋ جەدەل جاردەم شاقىرىپ، بالانى رەانيماسيالىق بولىمگە الىپ كەتكەن.

ءقازىر دارىگەرلەر ءسابيدىڭ ءومىرىن قۇتقارىپ قالۋ ءۇشىن بارىن سالۋدا، بالا اۋىر جاراقاتتانعان.

بەلگىلى بولعانداي، بالانىڭ اناسى كورشىلەرىمەن توبەلەس شىعارعانى ءۇشىن تەرگەۋگە الىندى. ال اكەسى پسيحياتريالىق اۋرۋحانادا «وليگروفەنيا» دياگنوزىمەن ەسەپكە الىنىپتى، سونىمەن قاتار، وسى ۋاقىتقا دەيىن ءۇش رەت سوتتى بولعان ەكەن.

اناسى دا، اكەسى دە جۇمىسسىز. ەندىگى كەزەكتە ولاردى اتا-انالىق قۇقىعىنان ايىرۋ ماسەلەسى قاراستىرىلۋدا.

اۋدارعان: نازەركە لابيحان