«دوستار! مەملەكەتتىك قىزمەتتەردى تاعى قالاي جەڭىلدەتىپ پايدالانۋ  جايىندا وي كەلدى» دەپ جازادى «ازاماتتارعا ارنالعان ۇكىمەت» كورپوراسياسىنىڭ ءتوراعاسى ابىلايحان وسپانوۆ ءوزىنىڭ فەيسبۋك پاراقشاسىندا. ورتاعا ەرەكشە  ۇسىنىس تاستاعان ول قالىڭ كوپشىلىكتەن قولداۋ ءارى كەڭەس كۇتۋدە.

«سىزدەردىڭ ويلارىڭىزدى، پىكىرلەرىڭىزدى سۇراسام دەيمىن. حقو–نا بارۋ ءۇشىن بوس ۋاقىت تابۋدىڭ وتە قيىن ەكەنىن ءبىز بارلىعىمىز بىلەمىز. انىقتامالار مەن قۇجاتتاردى رەتتەۋ جۇيەلى تۇردە جۇرەتىنى دە بەلگىلى. ال e-gov.kz ەلەكتروندى جۇيەسىن پايدالاناتىندار ءۇشىن بۇل جاعداي قيىندىق تۋعىزبايدى. ولار كوپتەگەن قىزمەتتەردى ونلاين پايدالانا الادى. ءبىراق بۇل ماسەلە سوندا دا اكتۋالدى، سول سەبەپتەن ءبىز استاناداعى ءبىر حقو-نىڭ  جۇمىس كەستەسىن ءتۇن ورتاسىنا دەيىن ۇزارتۋدى ۇسىنىپ وتىرمىز. بۇل ادامدارعا جۇمىستان كەيىن كەلىپ مەملەكەتتىك قىزمەتتى پايدالانۋىنا جول اشادى. ارينە، بۇل «ازاماتتارعا ارنالعان ۇكىمەتكە» قاتىستى، ال تىركەۋ جانە قۇجاتتاندىرۋ قىزمەتتەرى ءوز كەستەسىمەن جۇرەدى» دەيدى ابىلايحان وسپانوۆ.