5 ساۋىرگە قاراعان ءتۇنى يراكتىڭ تيكريت قالاسىنا جاسالعان بىرنەشە شابۋىل ناتيجەسىندە 31 ادام قايتىس بولدى، 40 ادام جاراقات الدى. شابۋىل باقىلاۋ-وتكىزۋ پۋنكتى مەن پوليسيا پولكوۆنيگىنىڭ ۇيىنە جاسالدى. بۇل تۋرالى «قامشى» اقپاراتتىق اگەنتتىگى korrespondent.net سايتىنا سىلتەمە جاساپ حابارلايدى.

يراك بۇل شابۋىلدى «يسلام مەملەكەتتەرىنىڭ» باسكەسەرلەرىنەن كورىپ وتىر. جەرگىلىكتى ب ا ق وكىلدەرىنىڭ حابارلاۋىنشا، پوليسيا كيىمىن جامىلعان بىرنەشە يليم  («يراك جانە ليەۆانت يسلام مەملەكەتى») باسكەسەرلەرى قاشقىندار ورنالاسقان مەكتەپكە كىرىپ، ولاردى كەپىلدە ۇستاعان. جەرگىلىكتى قۇقىق قورعاۋ ورگاندارى مەكتەپتى قورشاۋعا الىپ، ال باسكاسەرلەر ءوز كەزەگىندە وزدەرىنىڭ  «شاحيد بەلدىكتەرىن» جۇلدى.  باسكەسەرلەردىڭ ۇشەۋى قامالىپ، ءالى بەسەۋى جاسىرىنىپ ءجۇر. 

وسىعان دەيىن اقش  يراك پەن سيرياداعى جۇزدەگەن بەيبىت تۇرعىنداردىڭ ولگەنىن مويىنداعان بولاتىن.