قىرعىزستان پرەزيدەنتى المازبەك اتامبايەۆ وسىنداي مالىمدەمە جاسادى دەپ حابارلايدى «قامشى» اقپاراتتىق اگەنتتىگى   "ۆەچەرنيي بيشكەك"-كە سىلتەمە جاساپ. ونىڭ سوزىنشە حالىقارالىق تمد ەلدەرى اراسىنداعى ستاتيستيكالىق كوميتەتتىڭ جيناعىندا قىرعىزستان حالقىنىڭ ءار ادام باسىنا شاققاناداعى جالپى ىشكى ءونىم بويىنشا تاجىكستاننان باسقا بارلىق كورشى ەلدەردەن قالىس قالدى.  

المازبەك اتامبايەۆ قازاقستاننىڭ تمد ەلدەرىنىڭ اراسىندا اتالمىش كورسەتكىش بويىنشا كوش باستاپ تۇرعانىن ايتتى. قىرعىزستاندا ءبىر ادامعا شاققانداعى ءجىو قازاقستانمەن سالىستىرعاندا 9 ەسەگە تومەن. ال ءبىر ادامعا بيۋدجەت كىرىسى 7 ەسەگە از ەكەنىن العا تارتتى. دەسەك تە، قىزعىزستان پرەزيدەنتى قىرعىز حالقى قازاقستان تۇرعىندارىنان جاقسى تۇراتىنىن ايتتى.

«بارلىق ەسەپ بويىنشا قىرعىزستاندىقتار قازاقستان حالقىمەن سالىستىرعاندا 7-9 ەسە تومەن تۇرۋى كەرەك. قازاقستانداعى قاراپايىم ادامداردىڭ ءومىر ءسۇرۋ دەڭگەيى مەن قىرعىزستان حالقىنىڭ تۇرمىسىندا ايىرماشىلىقتار بار. ءبىزدىڭ كوپتەگەن اۋىلدارىمىزداعى تۇرعىندار كورشى ەلدەردەن جاقسى تۇرادى» دەدى المازبەك اتامبايەۆ.

بۇعان دەيىن قىرعىزستان پرەزيدەنتى 2010 جىلى بولعان ادام شىعىنىنا قازاقستاندى كىنالاعان.