ەستەرىڭىزگە سالا كەتەيىك، جاقىندا عانا بۇكىل جۇرتشىلىقتىڭ جاعاسىن ۇستاتقان قىلمىستى جاساعان قانىپەزەر ۇستالىندى. ول قوناققا كەلگەن بالدىزىن زورلاپ، كەيىن ولتىرگەن جەزدە بولىپ شىقتى. بارىنە اراق كىنالى دەگەن قىلمىسكەردىڭ ءوز-وزىن ۇستاۋىنا، ءبارىن تىزبەكتەپ ايتىپ بەرگەنىنە تاڭ قالماۋ مۇمكىن ەمەس. «قالاي بولعانىن بىلمەي قالدىم» دەگەن قىلمىسكەر قىلمىستى سانالى تۇردە جوسپارلاعانى ونى قىلمىستى جاسىرعىسى كەلگەنىنەن اق تۇسىنىكتى.
قوناققا بارامىن دە قينالىپ ولگەن قىزدىڭ وقيعاسىنا بەيجاي قالماعان ايگۇل بولاتحان ءوزىنىڭ فەيسبۋك پاراقشاسىندا مىنانداي جازبا قالدىرىپتى.
«الگى ايۋاننىڭ بالالارىن سىرتقا شىعارىپ جىبەرۋگە ميى جەتتى، جاسارىن جاساپ بىتكەن سوڭ كوزىن جويۋدى دا ءبىلدى، ويتكەنى قورلانعان ءجاسوسپىرىم قىز ءۇنسىز قالمايتىنىن ەسكەرتكەن، ءمايىتتى جاسىرۋدى دا ۇمىتقان جوق، ول ءۇشىن بالكوننان پالاستى (الدە كىلەم) كىرگىزدى، ونى ورادى، ەكى جاعىنان سكوچپەن بايلادى، سوسىن ديۆاننىڭ استىنا تىقتى! وسىنىڭ بارىنە "اقىلى" جەتكەن ەسەكتىڭ 17-اق جاستاعى تۋىسىنا، جەلكىلدەپ ءوسىپ كەلە جاتقان بويجەتكەن بالدىزىنا ەركەكتىگىن، انىعى ەسەك (نەمەسە ساسىق تەكە) ەكەنىن كورسەتۋدىڭ قاجەتى جوعىن بىلمەدى مە؟ ەسىن جيعاندا نە "بۇلدىرگەنىن" ءبىلىپتى، قورقىپتى! ال بالالارىن سىرتقا شىعارىپ جىبەرۋ، زورلاۋ، پالاستى كىرگىزۋ، ءمايىتتى وراۋ، سكوچتاۋ، ديۆان استىنا جاسىرۋ كەزىندەگى ەسى شە، ەسەپكە الىنباي ما؟ كۇناسىن مويىنداعانى بىلاي تۇرسىن، سونى قالاي شىمرىكپەي ايتىپ وتىر؟ ەندى وسىنداي قىلمىسكەردى ءبىزدىڭ "گۋماننىي" سوت نە ىستەيدى؟ اللا بەرگەن جاندى قۇدايدىڭ ەنشىسىنە قالدىردى، جاراتقان يەم عانا جانىن ۇزۋگە ءتيىس. ءبىراق بۇل ايۋان ازىرەيىل بولىپ انا قىزدىڭ جانىن الدى عوي! ءوزىنىڭ بالالارىن انا جاق جەك كورىپ كەتكەن بولار ەندىگى، تۇك جازىعى بولماسا دا، ويتكەنى بويلارىندا مىنا ايۋاننىڭ قانى بار... ەندى قازاق قىزى جەزدەسىن جەك كورىپ وسسە تاڭعالماۋ كەرەك. ەندى قازاق ايەلى تۋىسىنا سەنبەي تۇرسا كىنالاماعان ءجون... قازاق تۋىستىق سەنىمنەن ايىرىلدى.
...وسىنىڭ ءبىر-اق سەبەبى بار. ول -ۇلتتىق تاربيەدەن الشاقتاۋىمىز. قايتالاپ ايتام، بۇ جەرگە ءدىندى تىقپالاماڭدار! مەشىتى جوق، مولداسى از، اراعى سۋ تەگىن، القاشى كوپ كەزدە مۇنداي زۇلىمدىق اۋا جايىلماعان. مولدانى "تانىمايتىن"، مەشىتكە "بارمايتىن" جىلقى مالىنىڭ ايعىرى ءوز ۇيىرىنە شاپپايدى!!! وتىنەم، يمان جايلى ايتىپ، ءدىندى تىقپالاماڭدار!
ال الگى ايۋاندى ايدالاداعى مەنىڭ جانىما ۇرەي "سىيلاپ"، جۇرەگىمدى مۇزداتقانى ءۇشىن عانا ءۇش مەزگىل تاماق بەرىپ، تۇرمەدە اسىراۋعا مەن قارسىمىن!»
