ق ر دەنساۋلىق ساقتاۋ مينيسترلىگىنەن قازاقستاننىڭ قانداي ايماقتارىندا انا مەن بالا ءولىمى كوپ بولاتىندىعى جانە قانداي سەبەپتەرمەن كوز جۇماتىندىعى تۋرالى اقپاراتتا كورسەتىلگەن ساندار جاعا ۇستاتتى.

ستاستيستيكا

ستاتيستيكا كوميتەتىنىڭ مالىمەتىنشە، 2016 جىلى ءسابي ءولىمى 100 مىڭ ءتىرى تۋىلعان بالالاردىڭ 8،6 قۇرادى. بۇل كورسەتكىش 2015 جىلمەن (9،37) سالىستىرعاندا 8،2 % تومەن.

نەونتالدى ءولىم (ءسابي العاشقى 6 كۇندە قايتىس بولعاندا) 10،8 % تومەندەپ، 100 مىڭ ءتىرى تۋىلعان سابيلەردىڭ 3،3 قۇرادى. ال 2015 جىلى بۇل كورسەتكىش 3،7 تەڭ بولاتىن.

2017 جىلى شەتىنەپ كەتكەن سابيلەر ءتىرى تۋىلعان بالالاردىڭ 8،7 قۇرادى. بۇل وتكەن جىلمەن سالىستىرعاندا 19،4 % تومەن.

2016 جىلعى اقپاراتقا سايكەس، قازاقستاندا انالار ءولىمى 100 مىڭ ءتىرى تۋىلعان بالاعا 12،7 قۇرادى.

ءسابي ءولىمى قاي ايماقتاردا كوپ بولادى؟

ءسابي ءولىمى كوپ تىركەلگەن ايماق – قىزىلوردا، 10،2. الماتى وبلىسى - 10،0، شقو - 9،7، ماڭعىستاۋ وبلىسى - 9،5، قوستاناي - 9،3، وقو - 9،3، اتىراۋ - 8،9 جانە جامبىل وبلىسى - 8،8.

بوسانىپ جاتقان ۋاقىتتا قانشا ايەل قايتىس بولدى؟

انا ءولىمى 30،1 كورسەتكىشپەن اتىراۋ وبلىسىندا ەڭ كوپ تىركەلگەن. قوستاناي - 24،5، بقو - 22،8، وقو - 17،7، قاراعاندى - 16،8، پاۆلودار – 16،0، اقتوبە – 15،1 جانە شقو – 13،3. رەسپۋبليكاداعى ورتاشا كورسەتكىشتەن تومەن كورسەتكىش – جامبىل وبلىسىندا - 11،5، اقمولا وبلىسى – 8،7، كىزىلوردا وبلىسى – 5،3، ماڭعىستاۋ وبلىسى – 5،1، الماتى وبلىسى – 4،8 جانە الماتى قالاسى - 9،1  جانە استانا قالاسى – 7،3.

2015 جىل مەن 2016 جىلعى كورسەتكىش بويىنشا سولتۇستىك قازاقستان وبلىسىندا انا ءولىمى تىركەلمەگەن.

بارلىعى ايەل دەنساۋلىعىنىڭ تومەندىگىنە بايلانىستى

انا ءولىمىنىڭ جيىلەۋىنە دەنساۋلىقتىڭ تومەن كورسەتكىشى سەبەپ. ولار - قان ازدىق، قان اينالىم جۇيەسىندەگى اۋرۋلار، نەسەپ-جىنىستىق مۇشە اۋرۋلارى، ەندوكوريندىك جۇيەسى اۋرۋلارى. مۇنىڭ بارلىعى جۇكتىلىك پەن بوسانۋ كەزىندە قيىندىق تۋدىرادى.

انا ولىمىنە سەبەپ بولاتىن اۋرۋلاردىڭ پايىزدىق كورسەتكىشى: تىنىس الۋ – 21،2 %، قان اينالىم – 15،4 %، سارى اۋرۋ جانە سيرروز – 5،8 %، راك – 5،8 %.

زاماناۋي اۋرۋدى الدىن الۋ، مەديسينالىق تەكسەرۋ جانە جۇكتىلىككە دەيىن دەنساۋلىقتى جاقسارتۋ 18 % انا ءولىمىن تومەندەتۋشى ەدى.

ءسابي ءولىمى  - پەريناتالدى كەزەڭدە - 57،3 %، تۋىلعاننان دامۋىندا اقاۋ – 23،4 %، باسقا اۋرۋلار  – 5،8 %، قايعىلى جاعداي – 4،6 % قۇرايدى.

بالانى ءىشتى كەسۋ ارقىلى الىپ جاتقاندا شىمكەنت تۇرعىنى كاتەرينا گۋساكوۆا كوماعا تۇسكەن. وپەراسيا الماتى قالاسىنداعى اكۋشەريا،  گينەكولوگيا جانە پەريناتولوگيا  عىلىمي ورتالىعىندا جاسالعان. كاتەرينا گۋساكوۆانىڭ جاعدايى جاقسارماي وتىر. ونىڭ تۋىسى يۋليا ۆولكوۆا كاتەرينانىڭ قىزۋى تۇسكەندە ونى شىمكەنتتەگى اۋرۋحاناعا اۋىستىرعانىن ايتادى.

«ءقازىر ول رەانيماسيادا. ال ونىڭ اننا ەسىمدى ءسابيىنىڭ ءولىمى تەكسەرىلىپ جاتىر ما، جوق پا ونى بىلمەيمىز» دەيدى يۋليا ۆولكوۆا.

اۋدارعان: اسەم المۇحانبەت