Instagram جەلىسىندە denski_blog اتتى جەلى قولدانۋشىسىنىڭ جەكە پاراقشاسىندا ءماجبۇرلى تۇردە قايىر سۇراپ جۇرگەن بالانىڭ سۋرەتى پايدا بولدى. فوتودان شامامەن 9-10 جاسار بالانىڭ باعاناعا جىپپەن بايلانىپ تۇرعانىن كورۋگە بولادى، دەپ حابارلايدى "قامشى" اقپاراتتىق اگەنتتىگى.
"ءوز كوزىمە ءوزىم سەنە الار ەمەسپىن. ءبارىمىزدىڭ كوزىمىز كورىپ ۇيرەنگەن قايىرشى بالانى باعانعا جىپكە بايلاپ قايىپتى. بۇعان ءجاي قاراپ تۇرۋ مۇمكىن ەمەس. قۇقىق قورعاۋ ورگاندارى نەگە مۇنداي ىسكە جول بەرەدى؟ تاپ سول ساتتە بارىپ ءجىبىن كەسىپ تاستاعىم كەلدى. مەن ادەتتە سابىرلى اداممىن، ءبىراق مىنا كورىنىس مەنىڭ شامىما ءتيدى. ءىس كىشكەنتاي بالاعا كەلىپ تىرەلگەندە، قالاي جايباراقات وتىرۋعا بولادى؟" - دەپ جازادى الەۋمەتتىك جەلى قولدانۋشىسى.
