الماتى مەتروسىنىڭ جۇرگىنشىلەرى ەسكالوتارمەن ءجۇرۋ ەرەجەسىن بۇزىپ، ءتۇرلى دەڭگەيدەگى جاراقات الىپ جاتادى دەپ حابارلايدى «قامشى» اقپاراتتىق اگەنتتىگى patrul.kz سىلتەمە جاساپ.  

مەترو قىزمەتكەرلەرىنىڭ ايتۋىنشا، ەسكالاتوردا كوبىنە بالالار اتا-انالاردىڭ نەمقۇرايلىعىنى بايلانىستى جاپا شەگىپ جاتادى.

ەكىنشى ورىندا ەسكالاتورمەن ءجۇرۋ ەرەجەسىن بۇزاتىن جاستار.

تومەندەگى ۆيدەودا ايەلدىڭ بالالارمەن ەسكالوتوردان ءتۇسىپ كەلە جاتقانىن كورۋگە بولادى. ول ەڭ كىشكەنتاي بالانى ەسكالاتور باسپالداعىنا وتىرعىزىپ، ول ساۋساعىن ەسكالاتورعا سالىپ جاراقاتتانادى.

ەكىنشى ۆيدەودا ءۇش قىز ەسكالاتوردىڭ باعىتىنا قارسى ءجۇرىپ، ءبىرى قۇلاپ تۇسەدى. كەيدە جاستار ناتيجەسىن ويلاماي «ستوپ» تۇيمەسىن باسادى. ەسكالاتور بىردەن توقتاپ قالعاندا ونداعى ادامدار قۇلاپ قالۋى مۇمكىن.

«ءبىز بارلىق جۇرگىنشىلەردى مەترونىڭ قاۋىپسىزدىك ەرەجەلەرىن ساقتاۋدى ءوتىنىپ سۇرايمىز. اسىرەسە ەسكالاتوردا. ۇلكەندەردىڭ نەمقۇرايلىعىنان بالالار ءتۇرلى جاراقات الادى. ەسكالاتوردا تۇتقادان ۇستاپ تۇرۋ كەرەك. ەسكالاتور باسپالداعىنا وتىرۋعا بولمايدى. جۇگىڭىزدى باسپالداققا قويماڭىز» دەپ ەسكەرتەدى ەلەكترومەحانيكالىق قۇرالدار قىزمەتىنىڭ باسشىسى قانىبەك كەرىمبەكوۆ. 

، ،