ءماجىلىس ءۇيى.بۇگىن ءماجىلىس ءتوراعاسى نۇرلان نىعماتۋلين قازاقستانداعى گەرمانيا فەدەراتيۆتىك رەسپۋبليكاسىنىڭ وكىلەتتى ەلشىسى رولف مافاەلدى قابىلدادى دەپ حابارلايدى "قامشى" اقپاراتتىق اگەنتىگى ق ر پارلامەنتى ءماجىلىسى اپپاراتىنىڭ باسپا ءسوز قىزمەتىنە سىلتەمە جاساپ.

تاراپتار ەكىجاقتى قارىم-قاتىناستى، سونىڭ ىشىندە، پارلامەنتارالىق بايلانىستى نىعايتۋدىڭ ماڭىزدى ماسەلەلەرىن تالقىلادى. حالىقارالىق تاقىرىپتارعا كەلگەندە ن.نىعماتۋلين مەن ر.مافاەل قازاقستان مەن گەرمانيانىڭ ايماقتىق قاۋىپسىزدىك پەن تۇراقتىلىقتى نىعايتۋداعى ۇستانىمدارىنىڭ ۇقساستىعىنا نازار اۋداردى.

ءماجىلىس ءتوراعاسى قازاقستان پرەزيدەنتى نۇرسۇلتان نازاربايەۆتىڭ بىرىككەن ۇلتتار ۇيىمىنىڭ قولداۋىمەن حالىقارالىق تەرروريزم مەن ەكسترەميزمگە قارسى ارەكەتتىڭ الەمدىك ءبىرىڭعاي جەلىسىن قۇرۋ تۋرالى باستاماسىنىڭ ماڭىزدىلىعىنا توقتالدى.

سونىمەن بىرگە، ءماجىلىس ءتوراعاسى مەيمانعا ەلىمىزدە جۇرگىزىلگەن كونستيتۋسيالىق رەفورما تۋرالى دا باياندادى.

ءوز كەزەگىندە ر.مافاەل، سوڭعى 25 جىل ىشىندەگى قازاقستاندىق-گەرمانيالىق قارىم-قاتىناستىڭ دامۋ دەڭگەيىنە جان-جاقتى كوڭىل بولە كەلىپ، قوس مەملەكەتتىڭ تابىسىنا جوعارى باعا بەردى.