2017 جىلعى 7 ءساۋىر كۇنى تالدىقورعان قالاسىنىڭ «ءتىل سارايىندا» «مەملەكەتتىك ءتىلدى ۇيرەتۋ: ءادىس، تاجىريبە، يننوۆاسيا» اتتى رەسپۋبليكالىق سەمينار ءوتتى.
شارا مەملەكەتتىك ءتىلدى وقىتۋ ادىستەمەلەرىن جەتىلدىرۋ ماقساتىندا قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ ۇيىمداستىرۋىمەن ءوتتى.
اتالعان شاراعا قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ ءتوراعاسى قۋانىش اسىلوۆ، الماتى وبلىسى اكىمىنىڭ ورىنباسارى ومار جاقسىلىق مۇقاش ۇلى، وبلىستاردىڭ تىلدەردى دامىتۋ باسقارمالارىنىڭ جانە بارلىق مەملەكەتتىك تىلدەردى وقىتۋ ورتالىقتارىنىڭ باسشىلارى، عالىمدار، شىعارماشىلىق ينتەلليگەنسيا وكىلدەرى جانە كورنەكتى قوعام قايراتكەرلەرى قاتىستى.
تالقىلاۋ بارىسىندا مەملەكەتتىك ءتىلدى وقىتۋدىڭ وزەكتى ماسەلەلەرى ءسوز ەتىلدى. ادىسكەرلەر مەن وبلىستىق وقىتۋ ورتالىقتارىنىڭ باسشىلارى ءوز تاجىريبەلەرىمەن ءبولىسىپ، شەبەرلىك كلاستارىن وتكىزدى.
تىلدەردى دامىتۋ جانە قوعامدىق-ساياسي جۇمىس كوميتەتىنىڭ ءتوراعاسى قۋانىش اسىلوۆ ءوز سوزىندە الدىڭعى قاتارلى تاجىريبەلەردى ەسكەرە وتىرىپ، مەملەكەتتىك جانە باسقا دا تىلدەردى وقىتۋ ادىستەمەسىن جەتىلدىرۋدىڭ ماڭىزدىلىعىن، سونىمەن قاتار قازاق ءتىلىن وقىتۋداعى قالىپتاسقان ادىستەردى ساقتاۋ قاجەتتىگىن اتاپ ءوتتى.
شارا قورىتىندىسى بويىنشا وڭىرلىك باسشىلار مەن وقىتۋ ورتالىقتارىنىڭ باسشىلارىنا مەملەكەتتىك ءتىلدى وقىتۋ ۇردىسىندە جاڭا تاسىلدەر مەن يننوۆاسيالىق تەحنولوگيالاردى ەنگىزۋ بويىنشا ۇسىنىستار بەرىلدى.
