اقش-تىڭ پرەزيدەنتى دونالد ترامپ قحر ءتوراعاسى سي ءسزينپيننىڭ قىتايعا شاقىرتۋىن قابىل الدى. بۇل جايىندا اقش مەملەكەت حاتشىسى رەكس تيللەرسون مالىمدەدى، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ. بۇگىن مەملەكەت باسشىلارى مار-ا-لاگو ۆو فلوريدادا كەزدەستى. ترامپتىڭ وسىعان دەيىنگى جۇڭگو تۋرالى جاعىمسىز پىكىرىنە قاراماستان ەكى مەملەكەت باسشىسى ەكى جاقتى كەلىسىممەن جاڭا قارىم-قاتىناس ورناتپاق. ازىرگە مەملەكەت باسشىلارىنىڭ ويىندا نە بار ەكەنى، قانداي ساياسات ۇستانىپ وتىرعانى تۇسىنىكسىز بولىپ وتىر. مەملەكەت حاتشىسىنىڭ ايتۋى بويىنشا ترامپتىڭ پەكينگە باراتىن ۋاقىتى كەيىن بەلگىلى بولادى. اقش-تىڭ ساۋدا ىسىنە بايلانىستى ءمينيسترى ۋيلبۋر روسس جۋرناليستەرگە سۇحبات بەرۋ بارىسىندا سي مەن ترامپ اقش پەن جۇڭگو اراسىنداعى ساۋداداعى قيىندىقتاردى شەشۋ ءۇشىن 100 كۇنگە كەلىسىم جاسادى. ترامپ قىتايمەن اراداعى بايلانىستى «ۇلكەن پروگرەس» دەپ ەسەپتەدى. اپتانىڭ باسىندا ترامپ سولتۇستىك كورەيامەن مامىلە جاساۋعا دايىن ەكەنىن ايتقان بولاتىن. سونىمەن بىرگە كەيبىر ساراپتاۋشىلار جۇما كۇنگى اقش-تىڭ سيرياعا جاساعان قاستاندىعى اقش-تىڭ نە جاساي الاتىنىن جانە دە نەگە دايىن ەكەندىگىن قىتايعا كورسەتۋ ءۇشىن ازىرلەنگەن بولۋى مۇمكىن دەگەن پىكىر بىلدىرەدى. سوعان قاراعاندا قىتايدىڭ ترامپتى پەكينگە شاقىرۋى دا بەكەر ەمەس سەكىلدى. ال اراداعى ساۋداعا بايلانىستى كەلىسىم جاي سىلتاۋ سەكىلدى بولىپ كورىنەدى. ال سي سزينپين سيرياعا كوڭىل ايتىپ، ترامپپەن اراداعى كەلىسىمگە مىڭ سەبەپ بار، ال ونى بۇزۋعا ەشقانداي سەبەپ جوق ەكەندىگىن مالىمدەگەن. ءبىراق ول سەبەپتەردىڭ بارلىعىن ناقتىلاپ ايتا قويمادى.

اۋدارعان: اسەل وتەشوۆا