بۇگىن مەملەكەت جانە قوعام قايراتكەرى، مەملەكەت پەن ەلباسىعا ادال قىزمەت اتقارىپ، ايانباي ەڭبەك ەتىپ جۇرگەن مەملەكەتشىل تۇلعا، پروفەسسور مارات ءتاجيننىڭ تۋعان كۇنى. مارات مۇحانبەتقازى ۇلى بۇگىن 57 جاسقا تولدى. "قامشى" اقپاراتتىق پورتالى مارات مۇحانبەتقازىۇلىنى تۋعان كۇنىمەن قۇتتىقتاي وتىرىپ، زور دەنساۋلىق، قاجىماس قايرات تىلەيدى. 

وقىرماننىڭ ەسىنە سالساق، پرەزيدەنت اكىمشىلىگى جەتەكشىسىنىڭ ورىنباسارى مارات ءتاجين 1960 جىلى 8 ساۋىردە اقتوبە قالاسىندا تۋعان.

1981 جىلى الماتى حالىق شارۋاشىلىعى ينستيتۋتىن، ەكونوميست ماماندىعى بويىنشا بىتىرگەن.

فيلوسوفيا عىلىمدارىنىڭ كانديداتى (1985). الەۋمەتتانۋ عىلىمدارىنىڭ دوكتورى (1988). لوندون ۋنيۆەرسيتەتىنىڭ دوكتورانتى (1988). پروفەسسور (1993 جىلدان باستاپ). ستامبۋل ۋنيۆەرسيتەتىنىڭ قۇرمەتتى پروفەسسورى (2008 جىلدان باستاپ).

قازاقستان رەسپۋبليكاسى الەۋمەتتىك عىلىمدار اكادەمياسىنىڭ اكادەميگى، رەسەيدىڭ الەۋمەتتىك عىلىمدار اكادەمياسىنىڭ اكادەميگى، رەسەيدىڭ جاراتىلىستانۋ عىلىمدارى اكادەمياسىنىڭ شەتەلدىك اكادەميگى، قازاقستان رەسپۋبليكاسى ساياسي عىلىمدار اكادەمياسىنىڭ اكادەميگى جانە پرەزيدەنتى، قازاقستان رەسپۋبليكاسى الەۋمەتتانۋشىلار قاۋىمداستىعىنىڭ پرەزيدەنتى، تۇركى تىلدەس ەلدەر الەۋمەتتانۋشىلار وداعىنىڭ پرەزيدەنتى.

1981 جىلدان باستاپ – قاز كسر عىلىم اكادەمياسى وندىرىستىك كۇشتەردى زەرتتەۋ جونىندەگى كەڭەستىڭ كىشى عىلىمي قىزمەتكەرى.

1983-1987 جىلدارى – اسپيرانت، س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ وقىتۋشىسى.

1991 جىلدان باستاپ – ءال-فارابي اتىنداعى قازمۋ جانىنداعى قوعامدىق عىلىمدار وقىتۋشىلارىنىڭ بىلىكتىلىگىن ارتتىرۋ ينستيتۋتىنىڭ كافەدرا مەڭگەرۋشىسى.

1992 جىلدان باستاپ – قازاقستان رەسپۋبليكاسىنىڭ پرەزيدەنتى جانە مينيسترلەر كابينەتى اپپاراتىنىڭ ىشكى ساياسات ءبولىمى مەڭگەرۋشىسىنىڭ ورىنباسارى؛ قازاقستان رەسپۋبليكاسىنىڭ پرەزيدەنتى جانە مينيسترلەر كابينەتى اپپاراتىنىڭ اقپاراتتىق-تالداۋ ورتالىعىنىڭ جەتەكشىسى؛ قازاقستان رەسپۋبليكاسىنىڭ پرەزيدەنتى اپپاراتىنىڭ ىشكى ساياسات ءبولىمىنىڭ مەڭگەرۋشىسى.

1993 جىلعى ماۋسىمنان باستاپ – قازاقستان رەسپۋبليكاسىنىڭ پرەزيدەنتى اپپاراتى باسشىسىنىڭ ورىنباسارى – قازاقستان رەسپۋبليكاسىنىڭ پرەزيدەنتى اپپاراتىنىڭ اقپاراتتىق-تالداۋ ورتالىعىنىڭ جەتەكشىسى.

1994 جىلعى قازاننان باستاپ – قازاقستان رەسپۋبليكاسى پرەزيدەنتىنىڭ مەملەكەتتىك كەڭەسشىسى – قازاقستان رەسپۋبليكاسىنىڭ پرەزيدەنتى اپپاراتىنىڭ اقپاراتتىق-تالداۋ ورتالىعىنىڭ جەتەكشىسى.

1995 جىلعى قازاننان باستاپ – قازاقستان رەسپۋبليكاسىنىڭ پرەزيدەنتى اكىمشىلىگى باسشىسىنىڭ ورىنباسارى – قازاقستان رەسپۋبليكاسىنىڭ پرەزيدەنتى اكىمشىلىگى تالداۋ جانە ستراتەگيالىق زەرتتەۋلەر ورتالىعىنىڭ جەتەكشىسى.

1999 جىلعى اقپاننان باستاپ – قازاقستان رەسپۋبليكاسى پرەزيدەنتىنىڭ ۇلتتىق قاۋىپسىزدىك ماسەلەلەرى جونىندەگى كومەكشىسى.

2000 جىلدان باستاپ – قازاقستان رەسپۋبليكاسى سىبايلاس جەمقورلىقپەن كۇرەس جونىندەگى مەملەكەتتىك كوميسسيا ءتوراعاسى.

2001 جىلعى مامىردان باستاپ – قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءتوراعاسى.

2001 جىلدان باستاپ – قازاقستان رەسپۋبليكاسى پرەزيدەنتىنىڭ ۇلتتىق قاۋىپسىزدىك ماسەلەلەرى جونىندەگى كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2002 جىلعى قىركۇيەكتەن باستاپ – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.

2006 جىلعى ساۋىردەن باستاپ – قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2007 جىلعى قاڭتاردان باستاپ – قازاقستان رەسپۋبليكاسىنىڭ سىرتقى ىستەر ءمينيسترى.

2009 جىلعى قىركۇيەكتەن باستاپ – قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2013 جىلعى قاڭتاردان باستاپ – قازاقستان رەسپۋبليكاسىنىڭ مەملەكەتتىك حاتشىسى.

2014 جىلعى اقپاننان باستاپ – قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى.

2017 جىلعى قاڭتاردان باستاپ – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.

«قۇرمەت» (2002)، ءى دارەجەلى «بارىس» (2007)، ءىى دارەجەلى «بارىس» (2016) وردەندەرىمەن جانە التى مەدالمەن ماراپاتتالعان.

قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ قۇرمەتتى قىزمەتكەرى.

توتەنشە جانە وكىلەتتى ەلشى دارەجەسىنە يە.