قازاق كينو الەمىنە «ءبىر سەن ءۇشىن...» اتتى جاڭا تۋىندى قوسىندى دەپ حابارلايدى Qamshy.kz.

ءوزىنىڭ العاشقى كينوفيلمى تۋرالى رەجيسسەر ارداق تولەۋباي «نازارلارىڭىزعا مەنىڭ كينو الەمىندەگى العاشقى قادامىم، جۇمىسىم ۇسىنىلىپ وتىر. ءبارىڭىزدى 27 ساۋىردەن باستاپ كينوتەاترلارداعى كورسەتىلىمگە شاقىرامىن! تاقىرىپ قازىرگى تاڭداعى وتە وزەكتى  وتباسىلىق ماسەلەلەردى قامتىعان. قازىرگى جىگىتتەر بۇل كينونى كورسە ويلانىپ قالادى دەپ ويلايمىن. جىگىت قانشالىقتى جانۇياسىنا يە بولا الادى، ءتۇرلى قيىندىققا جولىققاندا جانۇياسىن قالاي ساقتاپ قالادى دەگەن ماسەلەلەر كوتەرىلگەن. قالاي بولعاندا دا مەن  بۇل جۇمىسقا بار جانىمدى سالدىم. كوماندامىز ۇلكەن جۇمىس اتقاردى: ىستىعىنا دا، سۋىعىنا دا شىدادى! جۇرەكتەن شىققان دۇنيە جۇرەكتەرىڭىزگە جەتسە قۋانىشتى بولارىم حاق. كينو الەمىندە كەزدەسكەنشە دوستار»، - دەيدى.

رەجيسسەردىڭ ايتۋىنشا فيلم نەگىزىنەن الماتى قالاسىندا، الماتى توڭىرەگىندە، وتكەن جىلدىڭ جاز ماۋسىمىنان باستاپ تۇسىرىلگەن، قازىرگى ۋاقىتتا مونتاج جۇمىستارى اياقتاپ، پرەمەراعا قىزۋ دايىندىق ءجۇرىپ جاتىر. ءفيلمنىڭ باستى رولدەرىن ازامات ساتىبالدى، زارينا كارمەن، ايجان بايزاقوۆالار سومداعان.

ءفيلمنىڭ كومپوزيتورى ۇشقىن جامالبەك، سەناريي اۆتورى ءلاززات تۇلكىبايەۆا، قويۋشى وپەراتورى جانتاي قىدىرالييەۆ، قويۋشى سۋرەتشىسى نازيرا بايبەكوۆا. ءفيلمنىڭ تۇساۋكەسەرى الماتى، استانا، قوستاناي، شىمكەنت قالالارىندا جوسپارلانىپ وتىر.