شۆەسيا پوليسەيلەرى ستوكگولمدەگى تەراكتىگە قاتىسى بار دەلىنگەن ەكىنشى كۇدىكتىنى ۇستادى، - دەپ حابارلايدى قامشى اقپاراتتىق اگەنتتىگى Reuters پورتالىنا سىلتەمە جاساپ. SVT تەلەارناسىنىڭ مالىمەتىنشە، ەر ادام ستوكگولم قالاسىنىڭ ماڭىندا قاماۋعا الىندى. سونداي-اق، سوڭعى مالىمەتتەر بويىنشا، تەراكتىدەن قازا تاپقانداردىڭ سانى تورتكە جەتىپ، ون ەكى ادام جاراقات العان.
ەسكە سالا كەتەيىك، ستوكگولم قالاسىنداعى جاياۋ جۇرگىنشىلەرگە ارنالعان دروتتنينگگاتان كوشەسىندە جۇك كولىگى ءبىر توپ ادامدى قاعىپ، ۇشەۋىن مەرت قىلدى، تاعى سەگىز ادام جاراقات الدى. بۇل تۋرالى شۆەسيا راديوسى وقيعانىڭ كۋاگەرىنە سىلتەمە جاساپ حابارلادى. پوليسيا جاياۋ جۇرگىنشىلەردى قاققان كۇدىكتىنى ۇستادى.
