قازاقستاندىق سپورتشى فيرۋزا شاريپوۆا رەسەيلىك قارسىلاسى ۆيكتوريا كوتوۆانى نوكاۋتقا ءتۇسىرىپ جەڭىسكە جەتتى. بۇل تۋرالى «قامشى» اقپارات اگەنتتىگى Vesti.kz-كە سىلتەمە جاساپ حابارلايدى.
ماسكەۋدە وتكەن رەيتينگتىك كەزدەسۋ ءبىرىنشى راۋندتىڭ 54ء-شى سەكۋندىندا اياقتالدى. ءشارىپوۆا قارسىلاسىن نوگداۋنعا جىبەرگەننەن كەيىن، رەفەري جەكپە-جەكتى توقتاتتى. وسىلايشا قازاقستاندىق بوكسشى قىز ءوزىنىڭ سپورت مانسابىنداعى ەڭ قىسقا ۋاقىتتاعى جەڭىسكە جەتتى.
ءشارىپوۆا وسىلايشا ءتورتىنشى رەت جەڭىسكە جەتتى، ونىڭ ەكەۋىندە نوكاۋتپەن اياقتالدى. سونىمەن قاتار، ونىڭ ءبىر جەڭىلىسى بار. ول وليمپيادا-2012 ويىندارىنىڭ كۇمىس جۇلدەگەرى رەسەيلىك سوفيا وچيگاۆادان جەڭىلگەن بولاتىن.
وسى كەزدەسۋگە دەيىن، ءشارىپوۆا الەمدىك رەيتينگتە BoxRec پورتالىنىڭ نۇسقاسى بويىنشا 29-شى ورىندا بولاتىن.
