دانيال احمەتوۆ شقو الەۋمەتتىك جارمەڭكەسىندە بولىپ قايتتى جانە وسى جارمەڭكەگە جاۋاپتى تۇلعالاردى جازالايتىنىن حابارلادى. اپتانىڭ دەمالىس كۇندەرى بولاتىن جارمەڭكەگە اكىم باعالاردى باقىلاۋدان وتكىزۋ ماقساتىمەن بارعان بولاتىن.

شاعىمدانۋشى زەينەتكەردىڭ ايتۋى بويىنشا كورسەتىلگەن قاعازدا ەتتىڭ كيلوسى 1300 تگ دەپ تۇرعانىمەن، ەتتى ساتىپ الىپ جاتساڭىز ساتۋشىلار ونىڭ كيلوسى 1500، ءتىپتى 1800 تگ ەكەنىن ايتادى.

«الەۋمەتتىك جارمەڭكەنى حالىققا ءتيىمدى باعا بولۋى ءۇشىن ۇيىمداستىرامىز. حالىق ايتسا، راسىن ايتادى. ولارعا ونىمدەر كورسەتىلگەن باعادان قىمبات باعاعا ساتىلادى ەكەن. نەگە الدايدى؟ شوۋ جاساپ، حالىقتى الداۋدىڭ قاجەتى جوق. بۇل ءۇشىن ولار جازالاناتىن بولادى. مەن حالقىمنان كەشىرىم سۇرايمىن، ءوز قاراماعىمداعىلارمەن تاعى سويلەسەمىن. الەۋمەتتىك قولداۋ تۋرالى ەلىمىزدىڭ ساياساتىنىڭ بۇلاي بۇزىلىپ جاتۋىنا جول بەرمەۋىمىز كەرەك»، - دەدى وبلىس اكىمى. اتالعان جاعدايدى رەتتەۋدى ايماق اكىمى ءوزىنىڭ ورىنباسارى دۇيسەنعازى مۋسينگە تاپسىردى.