ديماش قۇدايبەرگەن قىتايدىڭ شەنچجەن قالاسىندا "حالىقارالىق دارەجەدەگى تانىمال ءانشى" نوميناسياسىن جەڭىپ الدى. بۇل تۋرالى ديماش قۇدايبەرگەننىڭ PR-ديرەكتورى ءارى جاقىن دوسى الپامىس شاريموۆ حابارلادى.

وسى بايقاۋدىڭ نوميناسياسىن جەڭىپ العاننان كەيىن، ديماش "ۇمىتىلماس كۇن" ءانىن ورىندادى.  "اسسالاۋماعالەيكۇم قۇرمەتتى بارشا ونەر سۇيەر قاۋىم، سىزدەرگە شىن جۇرەكتەن العىسىمدى بىلدىرۋگە رۇقسات ەتىڭىزدەر، وسىناۋ كەرەمەت كەشتىڭ ۇيىمداستىرۋشىلارى جانە مەنى قولداپ دەمەۋشىلىك ەتكەن بارشا جاقىندارىم سونىمەن قاتار ءوزىمنىڭ كومانداما شىن جۇرەكتەن راقمەتىمدى بىلدىرگىم كەلەدى"، - دەدى ديماش ساحنا تورىندە.

وسىعان دەيىن، قازاقستاندىق ءانشى الەۋمەتتىك جەلىدە وسى بايقاۋدىڭ نومينانتى بولعانىن جاريلاعان ەدى، "Shenzhen قالاسى "17th Top China Awards" - تىڭ رەسمي كىلەمىنەن ءوتتىم. بۇگىن "حالىقارالىق دارەجەدەگى تانىمال ءانشى" نوميناسياسىنان ءۇمىتتىمىن! مەنى قولداپ كەلگەن بارشا قۇرمەتتى جانكۇيەرلەرىم، Dears، سىزدەرگە مىڭ راxمەت!!! "، - دەپ جازدى ديماش قۇدايبەرگەن Instagram جەلىسىندەگى پاراقشاسىندا.  "ءسۇيىنشى!!! دوستار!!! 17th China Music Awards شاراسىندا ديماش قۇدايبەرگەن @kudaibergenov.dimash "حالىقارالىق دەڭگەيدەگى ءانشى" جۇلدەسىنە يە بولدى!!! قۇتتى بولسىن!!! دوسىىىىىىىىىىىم، جەڭىس قۇتتى بولسىنننننن!!!، - دەپ جازدى ديماش قۇدايبەرگەننىڭ PR-ديرەكتورى ءارى جاقىن دوسى الپامىس شاريموۆ Instagram جەلىسىندەگى پاراقشاسىندا.