دەپۋتاتتاردىڭ جالاقىسى كوتەرىلگەنى تۋرالى Qamshy.kz وقىرمانعا حابارلاعان ەدى. دەپۋتاتتار جالاقىسىنىڭ وسىمىنە قاتىستى ق ر پارلامەنت ءماجىلىسى ءتوراعاسىنىڭ ورىنباسارى ۆلاديمير بوجكو ءوز پىكىرىن بىلدىرگەن. بۇگىن پارلامەنتتەگى جيىندا تىلشىلەرمەن سۇحباتتاسقان ۆيسە-سپيكەر ماجىلىسمەندەر جالاقىسىنىڭ كوتەرىلۋىن نەگىزدى دەپ سيپاتتاعان.

«ساياسي قىزمەتكەرلەر اراسىندا جالاقىسى سوڭعى بوپ وسكەن وسى دەپۋتاتتار، نەگىزى بۇل شەشىم وسىدان 4 جىل بۇرىن قابىلدانىپ قويىلعان ەدى. مينيسترلىكتەر مەن وزگە دە ۆەدومستۆولارداعى جالاقىنى بىرتىندەپ وسىرەمىن دەگەنشە 4 جىل ءوتىپ كەتتى. مىنە، ەندى ءبىزدىڭ كەزەگىمىز كەلدى»، - دەگەن ۆلاديمير بوجكو.

ونىڭ ايتۋىنشا، ساياسي قىزمەتكەرلەردىڭ ءبارى بىردەي جالاقى الۋى ءتيىس. ال، ءبىزدىڭ ەلدە دەپۋتاتتار ساياسي مەملەكەتتىك قىزمەتكەرلەر بولىپ ەسەپتەلەدى.

ايتا كەتەيىك، پارلامەنت ءماجىلىسى دەپۋتاتتارىنىڭ جالاقىسى 2017 جىلدىڭ 1 ناۋرىزىنان باستاپ 30-50 پايىزعا كوتەرىلىپ وتىر. ەندى ماجىلىسمەندەردىڭ ورتاشا ايلىق-جالاقىسى 600-700 مىڭ تەڭگەنى قۇرايى.