پەتەربورداعى مەترو جارىلىسىن جاساعان دەپ كىنا تاعىلعان اكبارجون دجاليلوۆ مەترو ىشىنە وڭايلىقپەن كىرگەن دەپ حابارلايدى «قامشى» اقپاراتتىق اگەنتتىگى «فونتانكا» رەسەيلىك سايتىنا سىلتەمە جاساي وتىرىپ.

ءساۋىردىڭ ءۇشى كۇنى دجاليلوۆ مەترو كىرە بەرىس زالىنا ارقاسىنا سومكە اسىنىپ كىرگەن. ەسكالاتورعا دەيىنگى جولدى ەشكىمنىڭ كوزىنە تۇسپەي ءجۇرىپ وتكەن. بەكەتتە اعا سەرجانت وتىرۋى كەرەك بولاتىن. الايدا ونى «ازاماتتىق داڭعىل» دەپ اتالىناتىن بەكەتكە ۇساق ەسىرتكىمەن ۇستالعان ازاماتتى راسىمدەۋگە كومەككە شاقىرعان.  پوليسيا قىزمەتكەرىنىڭ ورنىندا مەتروپوليتەننىڭ قاداعالاۋ قىزمەتىنىڭ ينسپەكتورى قالعان. 2011 جىلى دومودەدوۆاداعى تەراكتىدەن كەيىن پەتەربورلىق جەرتولەنى پايدالانۋ ەرەجەلەرى وزگەرىسكە ۇشىراعان بولاتىن. مەتروپوليتەننىڭ قاداعالاۋ قىزمەتى جاڭا ەرەجەگە ساي پاسساجيرلەر مەن ولاردىڭ زاتتارىن تەكسەرە الادى. ەگەر پاسساجير سومكەسىن تەكسەرتۋدەن باس تارتسا، بەكەت ىشىنە كىرگىزىلمەيدى. دجاليلوۆتىڭ ارقا سومكەسىن تەكسەرۋ قاجەت بولعانىمەن تەكسەرىلمەي قالعان. بەينەباقىلاۋ كامەرالارداعى جازبالارعا قاراعاندا ينسپەكتور سومكە تەكسەرۋدىڭ ورنىنا ۇيالى تەلەفونىنداعى ويىندى ويناپ وتىرا بەرگەن.

ەستەرىڭىزگە سالا كەتەيىك، پەتەربورداعى لاڭكەستىك جارىلىستان 14 ادام قازا تاپتى.