اقش-تىڭ سيريانى بومبالاۋى، سولتۇستىك كورەياعا اشىق سەس كورسەتە باستاۋى، جۇڭگو جانە رەسەيمەن قانداي ۇستانىمدا بولاتىنى – ءقازىردىڭ وزىندە ايقىندالا باستاعانداي.
اتاپ ايتقاندا، اقش-تىڭ سيريا بيلىگىنىڭ قارۋلى كۇشتەرىن اشىق بومبالاۋى – رەسەيگە كورسەتكەن اشىق قىرى.
قىتايدىڭ ەشقاشان دا رەسەيمەن دوس بولمايتىنى بەلگىلى. سەبەبى، قىتايدىڭ رەسەيگە قويار جەر داۋى بار.
اقش-پەن جۇڭگو ءوزارا تولىق تۇسىنىستىككە قول جەتكىزسە، سولتۇستىك كورەيا مەن رەسەيدىڭ سورى دەي بەرىڭىز.
وسى ەكى الىپ مەملەكەتتىڭ قاي جاعىنان كورسەتەتىن قىسىمىنىڭ ناتيجەسى – رەسەيدىڭ ىشكى ساياساتىنا اسەر ەتپەي قويمايدى. اتاپ ايتقاندا، ەكونوميكاسى شاتقاياقتاعان رەسەيدە ءقازىر نارازىلار سانى كۇن سايىن ارتىپ كەلەدى. بۇل ەلدە نارازىلىق شەرۋلەرى جيىلەپ، بيلىككە اشىق قارسىلىق كوتەرىلىسكە ۇلاسۋى عاجاپ ەمەس. قازىرگى تاريحي جاعداي وسىعان مەگزەيدى.
ەگەر رەسەيدە «ۇلى وزگەرىستەر» بولىپ، دەموكراتيا جەڭىپ شىقسا، ەڭ الدىمەن سورلايتىن قازاق ەلىنىڭ ورىسشىل بيلىگى ەكەنى داۋ تۋعىزباسا كەرەك. كۇنى بۇگىنگە دەيىن بيلىكتەگى رەسەشىلدەر اشىقتان اشىق قازاقتى، قازاق ءتىلى مەن ءدىنىن قورلاپ كەلگەنىن ەشكىم جوققا شىعارا الماسا كەرەك. قازاقستانداعى ب ا ق اتاۋلى رەسەي ىقپالىندا ەكەنىن، ءقازىر كوزى اشىق جانداردىڭ بارلىعى دا بىلەدى، سەزەدى. اسىرەسە، اتى «قازاقستاندىق»، زاتى «رەسەيلىك» تەلەارنالار ۇستانعان ساياسات، قازاقتى قورلاۋ ءۇشىن قاپتاعان سايقىمازاقتار پايدالانۋى، ول كلوۋنداردى مەملەكەتتىڭ نەگىزىن قۇراۋشى قازاق ۇلتىنا وشپەندىلىكپەن قارسى ايداپ سالىپ وتىرعانىن قاراپايىم قازاق حالقى جاقسى بىلەدى.
ەرتەڭ رەسەي باسىنا كۇن تۋىپ جاتسا، بىزدەگى قۇجىناعان رەسەيشىلدەردىڭ جاعدايى كۇرت ناشارلايدى. ولار قاشىپ بارعانىمەن رەسەي پانالاتپايدى، اتاپ ايتقاندا، قۇل-قۇتاندار دالادا قالادى، ال، قازاقتىڭ كۇنى تۋادى دەگەن ءسوز!
مەنىڭشە، ول كۇنگە كوپ قالعان جوق!
انا قازاقتى قورلاۋشى «ءشۇلدىربايلار»، وسىنى ءقازىر تۇسىنبەسە، ەرتەڭ بارلىعى دا كەش بولادى!
ويلان، ويان، ءتىلسىز ءارى ءدىنسىز، «شالا» قازاقتار!..
جۇماش كوكبورى،
10.04.2017 جىل، دۇيسەنبى.
پىكىر قالدىرۋ