جاڭا جىل قارساڭىندا بولعان وقيعا ەلدىڭ زارەسىن الدى. 4 قاڭتار كۇنى ۆيكتور دانيلوۆ ەسىمدى اقتوبەلىك تۇرعىننىڭ ۇيىنە ءۇش بالاسىمەن بىرگە دوسى قوناققا كەلگەن، ءبىراز ۋاقىتتان سوڭ دوسىنىڭ ايەلى كەلىپ قوسىلعان. ءۇيدىڭ ەگەسى قوناقجاي بولىپ شىقپاي، بالالارىنىڭ كوزىنشە اكەسىن پىشاقپەن باۋىزداپ ولتىرگەن. جۇرەگىنە تيگەن ەكى سوققىدان سوڭ زارداپ شەگۋشى قاشىپ ۇلگەرىپ، ءبىرىنشى قاباتقا جەتكەننەن سوڭ كوز جۇمدى. بالالارىنىڭ ۇلكەن 16 جاستا، دەپ حابارلايدى timeskz.kz باسىلىمى. مالىمەتتىڭ قازاقشا نۇسقاسىن «قامشى» اقپاراتتىق اگەنتتىگى وقىرمان نازارىنا ۇسىنادى.

بالالارىنىڭ ءبىرى سول ساتتە دەرەۋ ۇيالى تەلەفونىن قولىنا الىپ، اكەسىن ولتىرگەن قىلمىسكەردىڭ كىناسىن دالەلدەۋ ءۇشىن ۆيدەوعا ءتۇسىرىپ العان.

ايەلى مەن الالارى قوماقتى قارجى تالاپ ەتىپ، مورالدىق شىعىن وتەۋى جونىندە سوتقا شاعىم تۇسىرگەن.

«مەندە ونداي قاراجات قايدان بولسىن، كوپ بولسا 10 جىل ءومىرىم قالعان شىعار»، - دەپ مالىمدەدى ۆيكتور دانيلوۆ.

«جاپا شەككەن ادام جاقىنىنان ايىرىلعانى ءۇشىن قانداي كولەمدە قارجى سۇراسا دا، ءوزى بىلەدى»، - دەپ حابارلادى سوت شەشىمىن شىعارۋشى گۇلجان اجيگالييەۆا.

بۇگىن تاڭەرتەڭ سوت ۆيكتور دانيلوۆتى 10 جىل قاتاڭ رەجيمدە جازاسىن وتەۋگە ۇكىم شىعاردى. سونىمەن قاتار الكوگولدەن ەمدەلۋگە قاتاڭ ەسكەرتۋ جاسالدى. قىلمىسكەردەن 2 ميلليون 500 مىڭ تەڭگە مورالدىق شىعىن وتەۋ تالاپ ەتىلدى.

اۋدارعان: نازەركە لابيحان