رۋت سكالليدىڭ جۋىناتىن بولمەدەگى كىلەمشەگە قاراعان سايىن جۇرەگى قانجىلايدى. سەبەبى، ول – بالاسىنا دەگەن ىستىق ەستەلىكتەرگە تولى كىلەمشە. نولان سكاللي ەسىمدى قاتەرلى ىسىكپەن اۋىراتىن بالا اناسىنسىز ءبىر كۇن دە ءومىر سۇرە المايتىن. اناسى جۋىناتىن بولمەگە كىرىپ كەتكەن ۋاقىتتىڭ وزىندە ەسىك تۇبىندەگى كىلەمشەدە جاتاتىن.

اۋرۋدىڭ ءبارى بالانىڭ مۇرنىنىڭ بىتۋىنەن باستالعان. وعان اناسى العاشىندا كوڭىل اۋدارماعان. ۋاقىت وتە كەلە بالانىڭ قۇلاعى ەستىمەيتىن بولادى، ءسويتىپ، دارىگەرلەر بالانىڭ اۋىر دەرتكە شالدىققانىن، قاتەرلى ىسىكتىڭ بارىن حابارلايدى.

ءتۇننىڭ ءبىر ۋاعىندا بالانىڭ جاعدايى كۇرت ناشارلاپ، دەرەۋ اۋرۋحاناعا جەتكىزىلەدى. ءسويتىپ، بالاعا نەشە-تۇرلى دارى-دارمەكتەر جازىپ بەرەدى. الايدا، ونىڭ ەشبىرى كومەكتەسپەيدى. ىسىگىن الىپ تاستاۋى ءۇشىن وتا جاساتۋ قاجەت بولادى. وتا 2015 جىلدىڭ قاراشاسىندا جاسالادى.

الايدا، وتانىڭ دا اسا قاتتى اسەرى بولمايدى. ءسويتىپ، دارىگەرلەر بالادا رابدوميوساركوما – جۇمساق تىندەرىندە قاتەرلى ىسىك بار دەپ، حيميالىق تەراپيا باستاۋ كەرەك ەكەنىن ايتادى.

نولاندى تانىعان جۇرتتىڭ ءبارى بالا ءۇشىن دۇعا جاسايدى. 2017 جىلدىڭ 4 اقپانىندا بالا ومىرمەن قوشتاسادى.

انا ءۇشىن بالاسىن جىبەرىپ قويۋ اۋىرعا سوققانى انىق. سوڭعى حيميوتەراپيا جاسالعانعا دەيىن دارىگەرلەر اۋرۋحاناعا بالانىڭ بار تانىستارى مەن جاقىندارىن شاقىرادى. ال، نولان تەك اناسى ءۇشىن عانا اۋرۋىمەن كۇرەستى.و دۇنيەگە بارعاندا اناسى كەلگەنشە ويناي تۇراتىنىن ايتقان.

وتباسى بالانىڭ سوڭعى كۇندەرىندە ۇيىنە الىپ كەتپەك بولعاندا، بالاسى ءبارى جاقسى بولاتىنىن العا تارتىپ، اۋرۋحانادا قالا بەرۋىن وتىنەدى.

سوڭعى 36 ساعات قالعاندا سكاللي جۋىنىپ الۋ ءۇشىن شىعىپ كەتەدى. شىققاندا ادەتتەگىدەي بالاسى ەسىك تۇبىندەگى كىلەمشەدە جاتۋى ءتيىس ەدى. الايدا، جۋىنىپ شىققاندا كىلەمشە بوس تۇرادى. ءسويتىپ، انا بالاسىنىڭ ميىنا وتتەگى جينالىپ، كوماعا ءتۇسىپ قالعانىن ەستيدى. سكاللي بالاسىنىڭ جانىنا كەلىپ جاتادى. سول ۋاقىتتا، نولان نەبارى 4 ءسوز ايتۋ ءۇشىن ويانىپ، ماڭگىلىك ساپارعا اتتانىپ كەتە باردى. سونداعى ايتقانى: «مەن سەنى جاقسى كورەم، اناشىم».

بۇدان سوڭ سكاللي ءوزىنىڭ فەيسبۋك پاراقشاسىنا بىلاي دەپ جازادى: «ەندى مەن جۋىناتىن بولمەگە كىرۋگە قورقامىن. جۋىنىپ شىققان سايىن بالام جاتقان كىلەمشە بوس تۇرادى».