پوليسەيلەر سەمەيدە بولعان جاپپاي تارتىپسىزدىكتى زەرتتەپ جاتىر، - دەپ حابارلايدى Tengrinews.kz.

9 ساۋىردە شامامەن تۇنگى ساعات 23.00-دە ءبىر توپ جىگىت وسكەمەن كوشەسىنەن ۆوستوچنىي اۋىلىنا باراتىن جولدا توبەلەس شىعارعان. شامامەن 20 ادام ايعايلاپ، شۋلاپ، جولداعى قوزعالىسقا بوگەت بولعان. كۋاگەرلەر جىگىتتەردىڭ بىر-بىرىمەن توبەلەسپەكشى بولعان ءساتىن ۆيدەوعا ءتۇسىرىپ العان.

ءبىراق پوليسيا قىزمەتكەرلەرى بۇل توبەلەستىڭ الدىن العان. "قازا تاپقاندار مەن زارداپ شەككەندەر جوق. توبەلەسكە قاتىسقان بارلىق ادام ۇستالدى، ءبىراق ولار سىرتقا شىقپاۋ تۋرالى قولحاتپەن جىبەرىلدى. وقيعانىڭ ءمان-جايى انىقتالىپ جاتىر"، - دەدى سەمەي قالالىق ءىىب وكىلدەرى.

ۇستالعانداردىڭ باسىم بولىگى جاستار ەكەنى بەلگىلى بولدى، ولاردىڭ كوبىسى - كامەلەت جاسىنا تولماعاندار. ءقازىر قۇقىق قورعاۋ ورگاندارى ولاردىڭ اتا-انالارىمەن دە جۇمىس ىستەپ جاتىر.