Appleء-دىڭ جاڭا iPhone مودەلى iPhone 8-دەن كوپتەگەن قولدانۋشىلاردى كوڭىلسىز ەتەتىن حابار كۇنتارتىبىنە شىقتى دەپ حابارلايدى Qamshy.kz.
اقش-تا ورنالاسقان تەحنولوگيا الىبى Apple iPhone سەرياسىنىڭ 10-ىنشى جىلىندا تانىستىراتىن جاڭا مودەل تەلەفوننان قولدانۋشىلارى كوپ جاڭالىق كۇتەدى.
الايدا، ءبىر سىبىسقا قاراعاندا iPhone 8 تۇتىنۋشىلارعا كوڭىلسىزدىك اكەلەيىن دەپ تۇر.
جاڭا ءبىر مالىمەتكە ساي iPhone 8 قىركۇيەك ايىنا ۇلگەرمەيدى. باسقاشا ايتقاندا قولدانۋشىلار تەلەفوننىڭ جاڭا مودەلىن ءبىراز ۇزاعىراق كۇتەدى.
Drexel Hamilton ساراپشىسى Brian Whiteء-تىڭ Apple كومپانياسىنا جاقىن دەرەككوزگە سۇيەنىپ تاراتقان اقپاراتى بويىنشا، 5.8 ەكران كەڭدىگىندە شىعاتىن iPhone 8-دە قولدانىلاتىن 3D تەحنولوگياسىمەن بايلانىستى قيىندىقتار سەبەبىمەن تەلەفوننىڭ لانسمانى قىركۇيەك ايىنان كەيىنگە قالۋى مۇمكىن.
بۇل تۋرالى CNBC-كە سۇحبات بەرگەن White iPhone 8ء-دىڭ جەلتوقسان ايىنا دەيىن ساتىلىمعا شىعۋى قيىن ەكەنىن ايتقان.
iPhone-نىڭ جاڭا مودەلى تۋرالى اركىم سان-ساققا جۇگىرگەن جورامال جاساپ كەلەدى. وندايلاردىڭ ەڭ ىقپالدىسى Appleء-دىڭ iPhone سەرياسىن وسىمەن اياقتايتىندىعى.
تاعى ءبىر بولجام بولسا iPhone7-مەن بىرگە تۇتاس ءبىر ءداۋىر اياقتالادى. جاڭا iPhone بولسا 8 ەمەس، iPhone Pro دەپ اتالۋى مۇمكىن. دەرەككوزدەر iPhone Pro نەمەسە iPhone-نىڭ كەلەسى ءناسىلى مۇلدەم جۇقارىپ، باسقاشا سيپاتتا جارىق كورەدى دەيدى. جاڭا بۋىن تەلەفوندا تولىقتاي سەنسورلى ديسپلەي، فيزيكالىق كنوپكاسىز قۇرىلىم، قۋاتتى كامەرا سياقتى ەرەكشەلىكتەر بولۋى مۇمكىن.
پىكىر قالدىرۋ