بۇگىن ق ر پارلامەنتى ماجىلىسىندەگى ۇكىمەت ساعاتىندا ينۆەستيسيالار جانە دامۋ ءمينيسترى جەڭىس قاسىمبەك استانادا سالىنىپ جاتقان جاڭا اۋەجاي تەرمينالى 1 ماۋسىمدا العاشقى جولاۋشىسىن قابىلدايتىنىن ايتتى.

«2015 جىلى «نۇرلى جول» مەملەكەتتىك باعدارلاماسى اياسىندا استانا اۋەجايىنداعى ۇشىپ-قونۋ الابى قايتا جوندەۋدەن ءوتۋ جوباسى مەن جاڭا تەرمينال قۇرىلىسى جۇزەگە اسا باستادى. ءبىز وسى جىلدىڭ 15 مامىرىندا اۋەجايدىڭ قۇرىلىسىن تولىعىمەن اياقتاۋدى جوسپارلاۋدامىز. وتكەن جىلى استانا اۋەجايى 3،5 ملن جولاۋشىعا قىزمەت كورسەتكەن بولاتىن. جالپى 2016 جىلى تمد ەلدەرى اراسىندا استانا، الماتى قالالارىنىڭ اۋەجايى ۇزدىكتەردىڭ قاتارىنا كىردى»، - دەدى مينيستر.  ونىڭ ايتۋىنشا، «ەكسپو» كورمەسى اياسىندا جاڭا تەرمينال قوسىمشا 8 ملن جولاۋشىنى قابىلداۋعا مۇمكىندىك بەرەدى.