اكادەميك اسقار جۇمادىلدايەۆ جاستارعا ۇلگى بولارلىق قاھارماننىڭ اتىن اتادى دەپ حابارلايدى Qamshy.kz.

جۇمادىلدايەۆتىڭ ايتۋىنشا بۇگىنگى كۇنى جاستارعا ۇلگى تۇتۋعا لايىق قاھارماننىڭ ەسىمى – ادىلەت يماباەكوۆ.

حابار ارناسىنداعى «بەتپە-بەت» حابارىندا قوناقتا بولعان فيزيكا-ماتەماتيكا عىلىمدارىنىڭ دوكتورى اسقار جۇمادىلدايەۆ: «مەنى مويىنداتقاندار بار، اتىن اتايىن. ادىلەت يمابەكوۆ، بۇل ەسىمدى ساقتاپ قوي.

بۇل جىگىت 30 جاسىندا قايتىس بولىپ كەتتى. ماسكەۋدە فيزمات مەكتەبىن ءبىتىردى.  رەسەيدىڭ فيزيكادان وليمپيادا كومانداسىنىڭ كاپيتانى بولدى. فيزتەحتە وقىدى، سوسىن گارۆاردقا باردى. سوندا ستۋدەنت بولىپ جۇرگەندە جازعان عىلىمي ەڭبەگى اقش پرەزيدەنتى مەن ليەۆ لانداۋدىڭ سىيلىعىن الدى. لانداۋ اتىنداعى تەوريالىق فيزيكا ينستيتۋتىنىڭ لانداۋ سىيلىعىن يەلەندى. اقش پرەزيدەنتى سىيلىعىن العان ءبىر قازاقتى بىلەسىز بە؟ باسقا جوق. ول جىگىت گارۆاردت ۋنيۆەرسيتەتىندە رھD دوكتورلىعىن قورعاعان تۇڭعىش قازاق.

بالالاردىڭ ىشىندە مەنىڭ كىشكەنە قارنىمدى اشتىراتىن نارسە «بالالارعا كىم قاھارمان؟» ولارعا ۇرى، بانديت، ءانشى قاھارمان. نەگە ءبىر عالىم قاھارمان بولمايدى، نەگە ءبىر فيزيك، نەگە بيلل گەيتس قاھارمان بولمايدى؟»، - دەدى سۇحباتتاسۋشىعا.

اكادەميكتىڭ ايتۋىنشا ادىلەت يمابەكوۆتىڭ ەڭبەكتەرى باسىلعان، گارۆاردتا ونىڭ اتىنان كونفەرەنسيا جۇرگىزىلگەن. ونىڭ ەسىمى بالالارعا ۇلگى بولۋعا ءتيىس. 

وسى حاباردى كورگەن قامشى ءتىلشىسى يمابەكوۆتىڭ ءومىر جولى تۋرالى ىزدەنىپ كوردى. ادىلەت تۋرالى قازاق تىلىندە ماردىمدى اقپارات بولماعانىمەن اعىلشىن تىلىندە ءبىراز دەرەك بار.

ادىلەت يمابەكوۆتىڭ ەڭبەكتەرىمەن مىنا سىلتەمەدەن تانىسا الاسىز.

ال، اۋەسقوي الپينيست ادىلەت تۋرالى ەستەلىك سۋرەتتەر مىنا جەردە.