ورتالىق كوممۋنيكاسيالار قىزمەتىندە «قتج» ۇك» اق «الەۋمەتتىك جوبالار قورى» مەن «Samruk-Kazyna Trust» الەۋمەتتىك جوبالاردى دامىتۋ قورىنىڭ «دەنساۋلىق» جانە «سالاماتتى قازاقستان» مامانداندىرىلعان مەديسينالىق پويىزدارىنىڭ جۇمىسى باستالعانى تۋرالى باسپا ءسوز كونفەرەنسياسى ءوتتى دەپ حابارلايدى «قامشى» اقپاراتتىق اگەنتتىگى.

قۇرامداردىڭ ءجۇرۋ باعىتى مەن دارىگەرلەر بريگاداسى كورسەتەتىن قىزمەتتەرى تۋرالى «قتج» ۇك» اق «الەۋمەتتىك جوبالار قورى» ۇجىمدىق قورىنىڭ ديرەكتورى ەربول كەڭگىربايەۆ، «Samruk-Kazyna Trust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياس، «اپاتتىق مەديسينا تەمىرجول گوسپيتالى» اق باسقارما ءتوراعاسى ءابدىلمانوۆ عابىلنۇر ايتىپ كەتتى.

جوبانىڭ ارقاسىندا ستانسيالار مەن ولارعا ىرگەلەس جاتقان ەلدى مەكەندەردىڭ حالقى ناۋقاستىڭ الدىن الۋ ءۇشىن مەديسينالىق الدىن الا  تەكسەرۋدەن وتەدى، قاجەتتى العاشقى كومەك، كاسىبي كونسۋلتاسيا مەن ءارى قاراي ەمدەلۋ ءۇشىن جاقىن ورنالاسقان مەديسينالىق ورتالىقتارعا جولدامالار الادى.

بۇدان بۇرىن ەلباسى ن.ا. نازاربايەۆ مەديسينالىق پويىزداردىڭ جۇمىسىن جوعارى باعالاپ، كولىكتىك مەديسينالىق قىزمەت كورسەتۋدىڭ وزەكتىلىگىن باسا اتاپ وتكەن بولاتىن.

قازاقستاننىڭ وڭتۇستىك جانە باتىس وڭىرلەرىنىڭ حالقى 2017 جىلعى 18 ساۋىردەن باستاپ 2017 جىلعى 20 جەلتوقسان ارالىعى كەزەڭىندە «دەنساۋلىق» پويىزىنىڭ ءجۇرىپ وتكەن جولى بويىنشا جوعارى بىلىكتىلىكتى مەديسينالىق كومەك الا الادى.

«سالاماتتى قازاقستان» مەديسينالىق پويىزى قاراعاندى قالاسىنان اتتانادى جانە 2017 جىلعى 11 ساۋىردەن باستاپ 2017 جىلعى 6 قاراشا ارالىعىندا ورتالىق، سولتۇستىك، شىعىس وڭىرلەرىنىڭ قالالارى مەن كەڭشارلارىنا بارادى.

دارىگەرلەر بريگاداسىنىڭ قۇرامىندا تەراپيەۆت، پەدياتر، نيەۆروپاتولوگ، وكۋليست، لور، گينەكولوگ، حيرۋرگ، ۋرولوگ، ماممولوگ، ستوماتولوگ سياقتى نەگىزگى باعىت ماماندارى بار. مەديسينالىق پويىز قىزمەتتەرىن قازاقستاننىڭ شالعايداعى ەلدى مەكەندەرىنىڭ مەديسينالىق كومەككە مۇقتاج تۇرعىندارى، تەمىرجول قىزمەتكەرلەرى مەن زەينەتكەرلەر جانە ولاردىڭ وتباسى مۇشەلەرى پايدالانۋعا مۇمكىندىكتەرى بار.

«قتج» ۇك» اق الەۋمەتتىك جوبالار قورى ۇجىمدىق قورىنىڭ ديرەكتورى ەربول كەڭگىربايەۆ مەديسينالىق پويىزدار جۇمىسىن ۇيىمداستىرۋ بارىسىنا تولىق توقتالىپ كەتتى: «ۇجىمدىق قور پويىزداردىڭ قوزعالىسىن، ولارعا كۇتىم جاسالۋى مەن جوندەلۋىن ۇيىمداستىرادى، پويىزدار، جابدىقتار مەن قىزمەتشىلەرىنىڭ كۇزەتىلۋىن ۇيىمداستىرادى، دارىگەرلەر مەن پويىز بريگادالارىن تاماقپەن قامتاماسىز ەتەدى. تج كوميتەتى دارىگەرلەر مەن جابدىقتار قىزمەتىنە جاۋاپتى. پويىزداردىڭ قوزعالىس كەستەسى ازاماتتاردىڭ ءوتىنىمى مەن مەملەكەتتىك ورگاندار سۇراۋلارى نەگىزىندە شالعايداعى ستانسيالاردا مەديسينالىق پۋنكتتەردىڭ بولماۋىن ەسكەرە وتىرىپ جاسالادى. سونداي-اق قتج قاي وبلىستاردا جانە مەديسينالىق پويىزداردىڭ قانشالىقتى قاي ۋاقىتتا بولعانىنا تالداۋ جۇرگىزەدى. ءار مەديسينالىق پويىز كوپ بەيىندى مامانداندىرىلعان كونسۋلتاتيۆتىك-دياگنوستيكالىق كومەك كورسەتۋ ءۇشىن ارنايى جابدىقتالعان، سونداي-اق مەديسينالىق پەرسونالدىڭ تۇرۋىنا ارنالعان سەگىز ۆاگوننان تۇرادى. مەديسينالىق پەرسونال مەن پويىز بريگاداسىنا ارنالعان ەكى ۆاگون-كۋپەدە اۋا باپتاعىشتار، تەلەديدارلار، توڭازىتقىشتار، سەبەزگى، بيو-دارەتحانالار مەن كىر جۋۋ ورنى ورناتىلعان. سونداي-اق ۆاگون-رەستوران مەن ۆاگون-ديزەلدى گەنەراتورى بار. ونىڭ كۇشى تج جاعدايىندا شاعىن تۇرعىلىقتى ەلدى مەكەندەرگە جارىق بەرۋگە جەتكىلىكتى. قالعان ءتورت ۆاگون تەك حالىقتى قابىلداۋعا جانە مەديسينالىق كومەك كورسەتۋگە ارنالعان. بۇل جاعدايدا دارىگەرلەرگە ارنالعان جايلى ۆاگوندار، پويىزداردىڭ جولدا جىلىنا 300 كۇن بولۋىنا وراي جابدىقتالعان».

«Samruk-Kazyna Trust» الەۋمەتتىك جوبالاردى دامىتۋ قورىنىڭ باسقارۋشى ديرەكتورى ليما دياس بىلاي دەپ اتاپ ءوتتى: «حالىققا ارنالعان مەديسينالىق قىزمەت ساپاسى مەن قولجەتىمدىلىگىن ارتتىرۋ – مەملەكەتتىڭ باسىم مىندەتتەرىنىڭ ءبىرى. مامانداندىرىلعان مەديسينالىق پويىزدار بىرنەشە جىل بويىنا شالعايداعى اۋداندار حالىقتارىنىڭ ءوز دەنساۋلىقتارىنا كۇتىم جاساۋلارىنا كومەكتەسىپ، وسى ماسەلەنى جەمىستى شەشىپ كەلەدى. 2010 جىلدان بەرى مەديسينالىق پويىزدار ماماندارى 1052 ستانسيا تۇرعىندارىن قارادى، بۇل 300 مىڭنان استام ادام، ولاردىڭ ىشىندە ۇشتەن ءبىرى – بالالار. كولىكتىك مەديسينانىڭ دامۋىنا وراي، كوپتەگەن پاسيەنتتەر ۇزاق جىلدار ىشىندە دارىگەرلەر قاراۋىنا العاش رەت كەلدى. اۋرۋدىڭ الدىن العان دارىگەرلەر سوزىلمالى، قاتەرلى ىسىكتەر مەن تۋبەركۋلەزدىڭ باستالعان مەزەتىن ايقىنداپ الۋى ماڭىزدى».