ەلباسى تاپسىرماسىنا سايكەس ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆ باستاعان قازاقستان دەلەگاسياسى يزرايل مەملەكەتىنە جۇمىس ساپارىمەن باردى دەپ حابارلايدى "قامشى" اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.

دەلەگاسيا قۇرامىندا مەملەكەتتىك ورگاندار مەن «اتامەكەن» ۇكپ، ۇلتتىق اگرارلىق ءعىلىمي-بىلىم بەرۋ ورتالىعى جانە «قازاقستانينجينيرينگ»، «ازىق-تۇلىك كەلىسىم شارت كورپوراسياسى» ۇلتتىق كومپانيالارى، سونداي-اق، «اگروتەحنولوگيا ترانسفەرتى جانە كوممەرسياليزاسيا ورتالىعى» ج ش س وكىلدەرى بار.

جۇمىس ساپارىنىڭ باستى ماقساتى – مەملەكەت باسشىسى ن.نازاربايەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنداعى اوك-كە شەتەلدەن ينۆەستيسيا تارتۋ بويىنشا بەرگەن تاپسىرمالارىن جۇزەگە اسىرۋ جانە ەكى جاقتى ءتيىمدى كەلىسىمدەرگە قول جەتكىزۋ.

ساپار اياسىندا قازاقستان دەلەگاسياسى يزرايل مەملەكەتىنىڭ اۋىل شارۋاشىلىعى جانە اۋىلدىق اۋماقتاردى دامىتۋ ءمينيسترى، كنەسسەتتەگى «ەۆرەي ءۇيى» پارتياسىنىڭ دەپۋتاتى ۋري اريەلمەن كەزدەستى.

كەزدەسۋ بارىسىندا ەكى ەل اراسىنداعى كەلىسىمگە سايكەس 2017-2018 جىلدارعا ارنالعان اۋىل شارۋاشىلىعى سالاسىندا ىنتىماقتاسۋ بويىنشا جول كارتاسىنا قول قويىلدى.

بۇدان بولەك، قازاقستان اۋماعىندا كوممەرسيالىق نەگىزدەگى دەمونستراسيالىق فەرما قۇرۋ بويىنشا دەكلاراسياعا قول قويىلدى. ونىڭ كەشەنىندە اۋىل شارۋاشىلىعىنىڭ ءار الۋان باعىتتارى بويىنشا تەحنولوگيالاردى تانىستىرۋ جوسپارلانۋدا.

ەكى تاراپ قازاقستان ونىمدەرىن يزرايلگە ەكسپورتتاۋ مۇمكىندىكتەرىن تالقىلادى. اتاپ ايتقاندا، يزرايلدە قوي ەتى (كەۋدەسى مەن قۇيرىق مايى)، جۇمىرتقا جانە وزگە دە ونىمدەرگە قاجەتتىلىك بار. ەكى جاقتى كەلىسىمنىڭ ەندىگى كەزەڭى بۇل ونىمدەرگە قاتىستى ۆەتەريناريالىق تالاپتار مەن ستاندارتتار ماسەلەلەرىنە تىرەلىپ تۇر.

ينۆەستيسيا تارتۋ جانە وتاندىق ونىمدەردى ەكسپورتتاۋ جانە يننوۆاسيالىق اگروتەحنولوگيالار ترانسفەرتى ءۇشىن «دوڭگەلەك ۇستەل» فورماتىندا يزرايلدىك اگروبيزنەس وكىلدەرىمەن كەزدەسۋ بولىپ ءوتتى. وعان 20 كومپانيا قاتىستى.

سونىمەن قاتار، دەلەگاسيا مۇشەلەرى اۋىل شارۋاشىلىعى سالاسىنداعى جاڭا تەحنولوگيالارمەن اينالىساتىن «Volcani center» عىلىمي-زەرتتەۋ ينستيتۋتىنا باردى. مۇندا بىرىككەن زەرتتەۋلەر مەن جاس مامانداردى دايارلاۋ ماسەلەلەرى قارالدى. دەلەگاسيا مۇشەلەرىن ەكسپورتتالاتىن ونىمدەر ساپاسىنىڭ ساقتالۋى قاتتى قىزىقتىردى.

ولار يزرايل تاجىريبەسىن زەرتتەپ زەردەلەۋ ماقساتىندا «Gevat-Haviva Rezervoir» سۋ رەسۋرستارىن ۇنەمدەۋ جانە باسقارۋ كومپانياسى جۇمىسىمەن دە تانىستى. اتالعان كومپانيا سۋ تازارتۋمەن اينالىسادى جانە ونى اۋزى سۋ رەتىندە پايدالانادى. ايتا كەتەيىك، سۋ باعاسى 1 كۋب ءۇشىن 94 تەڭگە.

مۇنان سوڭ دەلەگاسيا مۇشەلەرى كووپەراسيا قۇرامىنا كىرەتىن وتباسىلىق ءسۇت فەرماسى مەن «موشاۆ نيتسانەي وز» ميني ىرىمشىك قايناتۋ ورتالىعىنىڭ قىزمەتىمەن تانىستى. بۇل فەرما تولىقتاي اۆتوماتتاندىرىلعان. وندا 100 ساۋىن سيىر بار جانە جىلىنا 1 200 توننا ءسۇت بەرەدى. كۇندەلىكتى ءسۇتتىڭ 300-350 ءليترى ىرىمشىك وندىرۋگە قالادى. ال قالعان بولىگى ءبىرىڭعاي يزرايل ءسۇت كونسەرنىنە جەتكىزىلەدى.

سونىمەن قاتار، فەرما ىرىمشىك ازىرلەۋگە باۋلۋ سىنىپتارىن اشقان. بۇدان ارىدە بۇل ونىمدەر دۇكەندەردىڭ سورەلەرىنە جونەلتىلەدى.

ا.مىرزاحمەتوۆ اتالعان تاجىريبەنى ەلىمىزدەگى اۋىل شارۋاشىلىعى كووپەراتيۆتەرىن قۇرۋ بارىسىندا پايدالانۋ كەرەكتىگىن اتاپ ءوتتى. يزرايلدە كووپەراتيۆتەر فەرمەرلەردىڭ ءوز باستامالارى بويىنشا قۇرىلادى جانە مەملەكەت تاراپىنان قانداي دا ءبىر قولداۋ بىلدىرىلمەيدى.

وسى فەرمانى ارالاۋ بارىسىندا قازاقستاندا ىرىمشىك ءوندىرۋ پەرسپەكتۆيالارى بويىنشا تالداما جاسالدى.

ساپار اياسىندا جىلىجاي مەن تامشىلاتىپ سۋعارۋ زاۋىتىنا بارىپ، «Netafim» كومپانياسى (سۋعارۋ جۇيەلەرىن ءوندىرۋ، جىلىجاي، لاندشافتىق جەر وڭدەۋ جانە ت.ب.) باسشىلىعىمەن كەلىسسوزدەر جۇرگىزىلدى.