«بوسقىن» مارتەبەسىنەن ايىرىلسا دا، اۋعانستاندىق ازاماتتىڭ ءوز ەلىنە قايتاتىن ويى جوق، دەپ حابارلايدى "قامشى" اقپاراتتىق اگەنتتىگى.

اۋعانستاننىڭ تۇرعىنى موحامماد پارديس ەسىمدى ازامات وسى ماسەلەنى شەشۋ ءۇشىن «نۇر وتان» پارتياسىنىڭ فيليالىنا بارىپ ارىز جازدى. شىمكەنت قالاسىندا ءومىر ءسۇرىپ جاتقانىنا 2 جىل بولعان. بۇگىندە جيھاز قۇراستىرۋمەن اينالىسىپ، ەل قاتارلى ءومىر ءسۇرىپ كەلە جاتقانىن ايتادى.

ەندى «بوسقىن» مارتەبەسى الىنعاندىقتان ازاماتتىڭ قازاقستاندا ءجۇرۋى زاڭسىز دەپ تانىلعان. الايدا، موحامماد ءوز وتباسىمەن قازاقستان رەسپۋبليكاسىندا ءومىر سۇرگىسى كەلەتىنى، ءوزى تۇرىپ جاتقان جەردى جاقسى كورەتىنىن ايتىپ، ارىزدانۋدا. بالالارىنىڭ وسىندا ءبىلىم العانىن قالايتىن ول اۋعانستاندا ءومىر ءسۇرۋدىڭ مۇمكىن ەمەستىگىن دە ايتىپ قالدى. اكە بالالارىنىڭ ءومىرى ءۇشىن الاڭدايدى.

ماماندار تاجىك ۇلتى وكىلىنە زاڭعا باعىنىپ، اتالعان قۇجاتتاردى جيناپ كەلمەسە، ەلدەن ەرىكسىز تۇردە الاستاتىلاتىنىن ءتۇسىندىردى. ناتيجەسىندە ەلگە قايتىپ مۇلدە كىرگىزبەۋ تۋرالى شەشىم شىعۋى مۇمكىن ەكەنىن دە جەتكىزدى. الايدا، بوسقىن مارتەبەسىن الا الماي جۇرگەن ازامات نە بولسا دا وسىندا قالامىن دەپ بەكىنىپ وتىر.