جامبىل وبلىسى وڭىرلىك كوممۋنيكاسيالار قىزمەتىندە «تاراز قالاسىنداعى جىلۋ بەرۋ ماۋسىمىنىڭ اياقتالۋى تۋرالى» بريفينگ ءوتتى. بريفينگكە تاراز قالاسى اكىمىنىڭ ورىنباسارى ماقسات كەڭەسحان ۇلى جانە قالالىق تۇرعىن - جاي كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ باسشىسى باقىتجان الپىس ۇلى قاتىسىپ، بەلگىلەنگەن تاقىرىپ اياسىندا مالىمدەمە جاسادى دەپ حابارلايدى "قامشى" اقپاراتتىق اگەنتتىگى.

            ماقسات كەڭەسحان ۇلىنىڭ اقپاراتىنشا، جىلىتۋ ماۋسىمى اياقتالعان سوڭ تاراز قالاسىندا كوپقاباتتى ۇيلەردى ىستىق سۋمەن قامتاماسىز ەتۋ جىلۋ تاراتۋشى مەكەمەلەردىڭ قۇزىرەتىندە، ولاردىڭ جۇمىس كەستەسىنە بايلانىستى. ويتكەنى، ولاردىڭ بىرنەشەۋى جىلىتۋ ماۋسىمى اياقتالعان سوڭ ءبىرشاما ۋاقىت جىلۋ تاراتۋ جۇيەسىنە جوندەۋ جۇمىستارىن جۇرگىزۋدى جوسپارلاپ وتىر. بۇل جۇمىستار سۋ تاراتۋدىڭ ساپاسىن ارتتىرۋ ماقساتىندا جاسالىپ وتىرعان جۇمىستار. جىلۋ تاراتۋ جۇيەلەرىن جوندەۋ «نۇرلى جول» باعدارلاماسى اياسىندا قولعا الىنعان. وتكەن جىلى تاراز قالاسىندا جىلۋ جەلىلەرىنىڭ 36،14 شاقىرىمى جاڭعىرتىلدى.

سونداي-اق، اقپاتتىق-ديسپەچەرلىك بولىمشەلەرى تاۋلىك بويى قىزمەت كورسەتتى. جىلىتۋ ماۋسىمىندا اپاتتىق جاعدايلار مەن تەحنيكالىق كەمشىلىكتەر بولعان جوق.

قالادا 1190 كوپپاتەرلى تۇرعىن ءۇي، 32 دەنساۋلىق ساقتاۋ، 123 ءبىلىم بەرۋ نىساندارى ورتالىقتاندىرىلعان جىلۋ جۇيەسىمەن قامتاماسىز ەتىلەدى.

وتىن-ەنەرگەتيكا كەشەنى مەكەمەلەرى جىلىتۋ ماۋسىمىندا 706 مىڭ 362 گيگاكالوريي جىلۋ ەنەرگياسىن ءوندىرىپ، 4 ملرد. 776 ملن. 361 مىڭ 372 تەڭگەگە قىزمەت كورسەتىلدى، 99 ملن. 892 مىڭ 423 تەكشە مەتر تابيعي گاز تۇتىنىلدى.

جىلۋ قازاندىق سانى - 52، ونىڭ ىشىندە: جىلۋ قۋاتتىلىعى 100 گكال/ساع. جوعارى - 3، جىلۋ قۋاتتىلىعى 100 گكال/ساع. تومەن - 49. قازان (كوتەل) سانى - 184، رەزەرۆتىك قازان - 77.

جىلۋ جانە ىستىق سۋ قىزمەتتەرىنىڭ قارىزى - 134،943 ملن. تەڭگە، ونىڭ ىشىندە: تۇرعىندار قارىزى - 127،094 ملن. تەڭگە، - دەپ حابارلادى م.احايەۆ.