اقش-تىڭ كاليفورنيا شتاتىندا ورنالاسقان سان-بەرناردينو قالاسىنداعى باستاۋىش مەكتەپتە بولعان اتىستان قازا تاپقاندار سانى ءۇش ادامعا جەتتى، - دەپ حابارلايدى  «قامشى» اقپارات اگەنتتىگى tengrinews.kz-كە سىلتەمە جاساپ.  پوليسيا مالىمەتىنشە، اۋرۋحانادا 8 جاستاعى وقۋشى كوز جۇمعان. تاعى ءبىر بالانىڭ جاعدايى اسا اۋىر حالدە.  وسىعان دەيىن ەكى ەرەسەك ادامنىڭ (ءمۇعالىم ايەل جانە ەر ادام) قازا تاپقانى تۋرالى حابارلانعان ەدى. ەر ادام ءمۇعالىمنىڭ بۇرىنعى كۇيەۋى ەكەنى انىقتالعان. پوليسيانىڭ مالىمەتىنشە، قىلمىسكەر سىنىپتىڭ ىشىندە وق اتا باستاعاندا، بالالارعا وق كەزدەيسوق تيگەن، سان-بەرناردينو قالاسىندا 2015 جىلى جەلتوقساندا وتباسىلىق جۇپ 14 ادامدى اتىپ تاستاعان بولاتىن.  ەسكە سالايىق، جەرگىلىكتى پوليسيا باسشىسى دجاررەد بەرگۋاننىڭ ايتۋىنشا، اتىس North Park مەكتەبىندە بولعان. وندا 5-12 جاس ارالىعىنداعى بالالار وقيدى. اتىس سالدارىنان ەكى ەرەسەك ادام قازا تاپتى. ەكى وقۋشى اۋرۋحاناعا جەتكىزىلگەن، ولاردىڭ جاعدايى بەلگىسىز.  بەرگۋانيدىڭ ويىنشا، قىلمىسكەر وزىنە قول جۇمساعان. "قازىرگى ۋاقىتتا قاۋىپ-قاتەر جوق"، - دەپ جازدى ول Twitter جەلىسىندەگى پاراقشاسىندا. پوليسيا وقيعا ورنىندا جۇمىس ىستەپ جاتىر، وقۋشىلار ەۆاككۋاسيالانعان.