بيىل اقمولا وبلىسىندا جولداردى جوندەۋگە، اۋماقتاردى سانيتاريالىق تازالاۋعا، اباتتاندىرۋ مەن كوگالداندىرۋعا 3،0 ملرد.تەڭگەدەن استام قاراجات بولىنگەن. بۇل تۋرالى ءوڭىر اكىمدىگىندەگى اپپاراتتىق جينالىس بارىسىندا بەلگىلى بولدى. «كوشەلەردەگى جارىق باعانالارىن اعارتۋ جانە سىرلاۋ، جولدارعا ءىشىنارا توپىراق سەۋىپ، گرەيدەرلەۋ، قالالىق بيلبوردتاردى، جول بەلگىلەرىن جوندەۋ، ايالدامالاردى سىرلاۋ بويىنشا جۇمىستار باستالدى»، – دەپ باياندادى ءوڭىر باسشىسىنا ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى ۆيكتور رادچەنكو،-دەپ حابارلايدى قامشى اقپاراتتىق اگەنتتىگى strategy2050.kz-كە سىلتەمە جاساي وتىرىپ.

 تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى رۋسلان اۋباكىروۆ وبلىستا 13 ملن كوشەت وسىرىلەتىن 3 ءتالىمباق بار ەكەنىن باياندادى.  «قازىرگى ۋاقىتتا وبلىستىڭ باتىس وڭىرلەرىن اعاش كوشەتتەرىمەن قامتاماسىز ەتۋ ماقساتىندا تاعى ءبىر ءتالىمباق سالۋ ءۇشىن جوبالىق-سمەتالىق قۇجاتتاما ازىرلەنۋدە. بيىلعى كوكتەمدە 96 مىڭنان استام كوشەت وتىرعىزۋ، سونداي-اق 1700 گەكتار جەردە اعاش وتىرعىزۋ جوسپارلانىپ وتىر»، – دەپ اتاپ ءوتتى ول. وسى ماسەلە بويىنشا وبلىس اكىمى م.مىرزالين وبلىستىڭ ەلدى مەكەندەرىن ءتيىستى سانيتاريالىق تارتىپكە كەلتىرۋ جانە كوگالداندىرۋ ءۇشىن شارۋاشىلىق ەتۋشى سۋبەكتىلەردى، قوعامدىق ۇيىمداردى كوممەرسيالىق قۇرىلىمداردى تارتۋ جۇمىسىن جانداندىرۋدى تاپسىردى.