امەريكانىڭ نيۋ-يورك قالاسىندا تۇرىپ جاتقان ارمان بەلاسسار ەسىمدى وتانداسىمىز استانادا وتەتىن ەكسپو-2017 كورمەسىنە وراي قازاقستانعا جۇزگە تارتا شەتەلدىكتى جىبەرمەك.
ارمان ءقازىردىڭ وزىندە وزدىگىنەن ەكسپو كورمەسىنە جارناما جاساپ، شەتەلدىك مەيمانداردى استاناعا شاقىرۋدا، دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساي وتىرىپ.
جاس كاسىپكەر اۆتوكولىكتەردى الىپ-ساتۋمەن اينالىسادى. ول وزىنە تيەسىلى ءبىرقاتار كولىكتىڭ سىرتىنا كورمەنىڭ لوگوتيپىن بەينەلەگەن. ايتۋىنشا، اقش-تىڭ ەڭ ءىرى قالالارىنىڭ بىرىندە ەلىمىزدە وتەتىن اۋقىمدى شارانى جارنامالاۋ ءوز سەپتىگىن تيگىزەتىنى ءسوزسىز. شالعايدا جۇرسەم دە، ەلىممەن ماقتانۋ – مىندەتىم، – دەيدى ول.
