تۇركيا پرەزيدەنتى رەجەپ تايىپ ەردوعان ەلدىڭ ەۋروپا وداعىنا(ەو) كىرۋ تۋرالى ءوتىنىشىن قابىلداماعانى ءۇشىن ەۋروپانى سىناۋعا كوشتى، دەپ حابارلايدى «قامشى» اقپاراتتىق پورتالى. ول ءوز سوزىندە «ەۋروپا تۇرىك حالقىنا ىستەگەن قياناتى ءۇشىن جاۋاپ بەرەدى» دەدى.

9 ءساۋىر كۇنى يزمير حالقى الدىندا سويلەگەن سوزىندە 19 ءساۋىر كۇنگى رەفەرەندۋمنان كەيىن بۇل تاقىرىپقا قايتىپ كەلەتىنى تۋرالى ايتتى. تۇركيا پرەزيدەنتى ەۋروپانى «اۋرۋ ادامعا» تەڭەدى. بۇل تەڭەۋدى 19-شى عاسىردا ەۋروپالىق شەنەۋنىكتەر قۇلدىراۋعا ۇشىراعان وسمان يمپەرياسىنا قاتىستى قولدانعان.

ەردوعان كونسەرۆاتيۆتى يسلامي تەڭدىك جانە دامۋ پارتياسىنىڭ(تدپ) نەگىزىن قالاۋشى. پرەزيدەنت بولىپ سايلانعانعا دەيىن 2003-2014 جىلدار ارالىعىندا پرەمەر-مينيستر قىزمەتىن اتقارعان. ەندى ول 19 ءساۋىر كۇنى بولاتىن بۇكىلحالىقتىق رەفەرەندۋم ارقىلى ەلدى پارلامەنتتىك جۇيەدەن پرەزيدەنتتىك جۇيەگە اۋىستىرۋعا بەت الدى.

ەو بولسا ەلدە مۇنداي وزگەرىس بولعان جاعدايدا بيلىكتىڭ ءبىر ادامنىڭ قولىنا ءوتىپ كەتەتىندىگىن ەسكەرتۋدە. وعان قوسا، 2016 جىلى مەملەكەتتىك توڭكەرىستە ەردوعاننىڭ وپپوزيسيانى اياۋسىز تۇنشىقتىرعاندىعىن ەسكەرە كەتۋ كەرەكتىگىن ايتتى.

اۋدارعان: اقنيەت تولەندى