ەلىمىزگە بەلگىلى ءانشى قايرات تۇنتەكوۆ ءبىرشاما ۋاقىت ۇزىلىستەن سوڭ ساحناعا قايتا ورالدى، دەپ حابارلايدى "قامشى" اقپاراتتىق اگەنتتىگى.
"Super Star KZ" جوباسىنىڭ ەكىنشى ماۋسىمىنىڭ جەڭىمپازى، "نوۆايا ۆولنا-2013" قاتىسىپ، 4 ورىن جۇلدەگەرى، ءوزىنىڭ قوڭىر دا، جاعىمدى داۋىسىمەن جالپى جۇرتشىلىققا تانىمال ءانشى قايرات تۇنتەكوۆ قازاقستان ەستراداسىنا قايتا ورالدى. بىرنەشە كۇن بۇرىن ءانشى قازاقستاننان كەتەتىنى جايلى مالىمدەگەن بولاتىن. مۇنداي شەشىم قابىلداۋىنا نە تۇرتكى بولعانى بەلگىسىز، الايدا سوڭعى جىلدارى ءانشىنىڭ باسىندا ءبىرشاما ماسسەلەلەر بولعانى انىق.
قايرات تۇنتەكوۆ ءوزىنىڭ ءومىرىن سەناريي ەتىپ العان جاڭا "ۇشقان باعىم" اتتى انگە بەينەبايان ءتۇسىرىپ، حالىقتىڭ نازارىنا ۇسىندى. بەينەباياندى كورگەن الەۋمەتتىك جەلى قولدانۋشىلارى ءانشىنىڭ ۇلكەن ساحناعان قايتا ورالۋىمەن قۇتتىقتاپ، تۇرلىشە پىكىر بىلدىرۋدە. ولاردىڭ كوپشىلىگى قايراتتىڭ ساحناعا ورالعانىنا قۋانىپ، ونىڭ داۋىسىن ساعىنىپ قالعاندىعى جايىندا جازىپ جاتىر. ءانشىنىڭ بىرنەشە ۋاقىت ۇزىلىستەن كەيىن تۇسىرىلگەن بەينەبايانىن تاماشالاپ، ءوز باعالارىڭىزدى بەرىڭىزدەر.
