12 ءساۋىر – عارىشكەرلەر كۇنى. وسىدان 56 جىل بۇرىن ادامزات بالاسى العاش رەت بايقوڭىر عارىش ايلاعىنان عارىشقا «ۆوستوك» كەمەسىن اتتاندىردى.

اڭىزعا سۇيەنسەك، قورقىت بابامىز وسىدان سان عاسىر بۇرىن-اق، قازىرگى بايقوڭىر مەكەنىن «جەردىڭ كىندىگى» دەپ اتاپ كەتكەن.  جىلدار وتە عالىمدار «بايقوڭىردا جەردىڭ تارتىلىس كۇشى از، ەكۆاتورعا جاقىن، عارىشقا ۇشىرۋعا ەڭ قولايلى ورىن» دەگەن قورىتىندى جاساعان. وسىلايشا، العاشقى اۋە كەڭىستىگىنە ادام بالاسى قازاق جەرىنەن اتتانعان.  

1961 جىلدىڭ 12 ءساۋىرى، ساعات توعىزدان جەتى مينۋت وتكەندە يۋ. گاگارين «ۆوستوك» كەمەسىمەن 302 كم. بيىكتىكتە جەردى ءبىر اينالىپ شىقتى دا، ساعات 10-نان 55 مينۋت وتكەندە، ساراتوۆ وبلىسىنداعى سمەلوۆكا اۋىلىنا جاقىن ماڭعا قوندى. وسىلايشا، يۋريي گاگارين كۇللى ادامزات بالاسىنىڭ سان مىڭداعان جىلدار بويعى ارمان-تىلەگىن جۇزەگە اسىردى.

قازاقتىڭ تۇڭعىش عارىشكەرى - توقتار وڭعارباي ۇلى اۋباكىروۆتىڭ جۇرگىزگەن زەرتتەۋلەرىنىڭ ناتيجەسىندە ارال ۇستىندەگى تۇزدى شاڭ بوراماسىنىڭ پايدا بولۋ پروسەسى، سول زياندى اەروزولداردىڭ قازاقستان مەن رەسەي ايماقتارىنا تارالۋىنىڭ عارىشتىق سۋرەتتەرى الىندى. سونداي-اق، قازاقستان اۋماعىنداعى اتموسفەرانى جانە جەر بەتىن زەرتتەۋ، جۇلدىزدى اسپان استروفيزيكا باقىلاۋ جۇمىستارى دا ويداعىداي ءوتتى.

تالعات امانگەلدى ۇلى مۇسابايەۆ — قازاقتىڭ 2ء-شى، ال الەمنىڭ 309-شى عارىشكەرى. باتىرىمىز اشىق كەڭىستىككە قازاقستان رەسپۋبليكاسىنىڭ كوك بايراعىن، قاسيەتتى قۇران كىتابىن جانە ءبىر ۋىس قازاق توپىراعىن الا بارعان.

حالىق قاھارمانى ايدىن اقان ۇلى ايىمبەتوۆ – قازاق تاريحىنداعى ءۇشىنشى عارىشكەر،عارىشقا قازاقستان رەسپۋبليكاسىنىڭ تۋىن، قازاقستان حالقى اسسامبلەياسى مەن «ەكسپو-2017» حالىقارالىق كورمەسىنىڭ جالاۋلارىن الىپ ۇشتى.

ەرەن ەرلەردىڭ ەل الدىندا ەڭسەلەرى بيىك. قازاق حالقى وسىنداي باتىر ۇلدارىمەن ماقتانادى! عارىشكەرلەر كۇنى قۇتتى بولسىن! 

قامشىگەر: الينا بولاتبەك