قۇتقارۋ قىزمەتتەرى حابارلاعانداي، ەلدى مەكەندەردى سۋ الىپ كەتۋ ءقاۋپى جوق

اقمولا وبلىسىندا قار كۇرت ەرىپ، اۆتوجولداردى سۋ شايىپ كەتتى دەپ حابارلايدى Sputnik قازاقستان اگەنتتىگى توتەنشە جاعدايلار جونىندەگى دەپارتامەنتتىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، وبلىستىڭ التى اۋدانىندا رەسپۋبليكالىق جانە وبلىستىق ءمانى بار جولداردان قار سۋى كوتەرىلگەن.

"ەڭبەكشىلدەر اۋدانىندا ماكينسك-اقسۋ-تورعاي رەسپۋبليكالىق جولىنىڭ 45-كيلومەترىندە 9 ءساۋىر كۇنى قار سۋى جول توسەمىن شايىپ كەتتى، ۇزىندىعى 20 مەتر، جالپاقتىعى 8 مەتر، تەرەڭدىگى 0،05 مەتر. جول ۋچاسكەسىندەگى قوزعالىس قالپىنا كەلتىرىلگەن"، — دەپ مالىمەت بەردى توتەنشە جاعدايلار دەپارتامەنتى. بۋراباي اۋدانىندا كەشكىسىن قار سۋىنىڭ اسىپ كەتۋىنەن ششۋچينسك-زەرەندى جولى جابىلدى. توسەمدى كۇشەيتكەننەن سوڭ، قوزعالىس قالپىنا كەلتىرىلدى. امقولا وبلىسى ەرەيمەنتاۋ اۋدانىنداعى ەرەيمەنتاۋ-ارشالى تاس جولىنىڭ 64-كيلومەترىن قار سۋى شايىپ كەتتى. باسقا جولمەن جۇرۋگە تۋرا كەلەدى. ەركىنشىلىك-ولجاباي جولىنىڭ 12-كيلومەترىن دە سۋ شايىپ كەتكەن. ءوڭىردىڭ توتەنشە جاعدايلار دەپارتامەنتى حابارلاعانداي، ەلدى مەكەندەردى سۋ الىپ كەتۋ ءقاۋپى جوق. ارنايى جول بەلگىلەرى قويىلعان.